രാവിലെയും വൈകുന്നേരവും ഒരു കപ്പ് ചായ കുടിച്ചാലേ പലർക്കും ഉന്മേഷം ലഭിക്കൂ. ജോലിത്തിരക്കിനിടയിലും മാനസിക സമ്മർദ്ദം കുറയ്ക്കാനും നമ്മള് ആശ്രയിക്കുന്നത് ഈ ‘ചായ ഇടവേളകളെ’ തന്നെയാണ്.
എന്നാല്, പശിയടക്കാനും ഉന്മേഷത്തിനും നാം ശീലമാക്കിയ ഈ ചായകുടി അമിതമായാല് ഗുരുതരമായ ആരോഗ്യപ്രശ്നങ്ങള്ക്ക് കാരണമാകുമെന്ന് നിങ്ങള്ക്കറിയാമോ? പ്രത്യേകിച്ച് പ്രമേഹം, ഹൃദയസംബന്ധമായ അസുഖങ്ങള്, അള്സർ, നെഞ്ചെരിച്ചില് എന്നിവയുള്ളവർ ചായ ഒഴിവാക്കുന്നതാണ് ഉചിതം.
ചായ കുടിക്കുന്നത് നിർത്തിയാല് ആദ്യത്തെ മൂന്നാഴ്ച കൊണ്ട് നമ്മുടെ ശരീരത്തില് പ്രകടമാകുന്ന മാറ്റങ്ങള് ഇവയാണ്:
Whatsapp Group 1 | Whatsapp Group 2 |Telegram Group
ഒന്നാം ആഴ്ച: കഫീൻ പിൻവാങ്ങുമ്പോള്
ചായ പൂർണ്ണമായും ഒഴിവാക്കുന്ന ആദ്യ ആഴ്ചയില് ചില ബുദ്ധിമുട്ടുകള് സ്വാഭാവികമാണ്. കഫീന്റെ സാന്നിധ്യം കുറയുന്നതോടെ ശരീരം ‘അഡിനോസിൻ’ (Adenosine) എന്ന രാസവസ്തു ഉത്പാദിപ്പിക്കാൻ തുടങ്ങും. ഇത് നിങ്ങളെ അല്പം അലസരാക്കിയേക്കാം.
ലക്ഷണങ്ങള്: ക്ഷീണം, തലവേദന, ശ്രദ്ധ കേന്ദ്രീകരിക്കാനുള്ള ബുദ്ധിമുട്ട്, ഉറക്കക്കുറവ്.
മാറ്റം: മൂന്ന് നാല് ദിവസങ്ങള് കൊണ്ട് ശരീരം ഈ മാറ്റങ്ങളുമായി പൊരുത്തപ്പെട്ടു തുടങ്ങും.
രണ്ടാം ആഴ്ച: ഊർജ്ജം വീണ്ടെടുക്കുന്നു
രണ്ടാമത്തെ ആഴ്ചയിലേക്ക് കടക്കുമ്പോള് ക്ഷീണം മാറി ശരീരം സ്വാഭാവികമായ ഊർജ്ജനില കൈവരിക്കും.
ഗുണങ്ങള്: അഡിനോസിന്റെ ഉത്പാദനം നിയന്ത്രണവിധേയമാകുന്നതോടെ ഉറക്കം കൂടുതല് ആഴത്തിലുള്ളതാകുന്നു. രാവിലെ എഴുന്നേല്ക്കുമ്പോള് കൂടുതല് ഉന്മേഷം അനുഭവപ്പെടും.
മൂന്നാം ആഴ്ച: ദഹനപ്രശ്നങ്ങള്ക്ക് വിട
ചായയിലടങ്ങിയിരിക്കുന്ന ടാനിൻ (Tannins) എന്ന രാസവസ്തുവാണ് അസിഡിറ്റിക്കും ഗ്യാസിനും പ്രധാന കാരണം.
ഗുണങ്ങള്: മൂന്നാഴ്ച പിന്നിടുമ്പോള് നെഞ്ചെരിച്ചില്, അസിഡിറ്റി തുടങ്ങിയ ദഹനപ്രശ്നങ്ങള് പൂർണ്ണമായും ഇല്ലാതാകും.
മറ്റ് ഗുണങ്ങള്: ശരീരത്തില് ഇരുമ്പിന്റെ ആഗിരണം (Iron Absorption) വർധിക്കുകയും വിളർച്ച പോലുള്ള പ്രശ്നങ്ങള് പരിഹരിക്കപ്പെടുകയും ചെയ്യും.
