ഇടുക്കി മാങ്കുളത്ത് തമിഴ്നാട് സ്വദേശികളായ വിനോദസഞ്ചാരികള്‍ സഞ്ചരിച്ച മിനി ബസ് മറിഞ്ഞ് അപകടം ; നിരവധി പേര്‍ക്ക് പരുക്ക്

ഇടുക്കി: ഇടുക്കി മാങ്കുളത്തിന് സമീപം വിരിപാറയില്‍ തമിഴ്നാട് സ്വദേശികളായ വിനോദസഞ്ചാരികള്‍ സഞ്ചരിച്ച മിനി ബസ് മറിഞ്ഞ് അപകടം.

അപകടത്തില്‍ നിരവധി പേർക്ക് പരുക്കേറ്റു. വിരിപാറ ഫോറസ്റ്റ് ഓഫീസിന് മുൻപിലെ വളവിലാണ് ബസ് നിയന്ത്രണം നഷ്ടമായി അപകടത്തില്‍ പെട്ടത്. തമിഴ്നാട് തിരുപ്പൂർ സ്വദേശികളാണ് ആനക്കുളം സന്ദർശിക്കുന്നതിനായി പോകുന്നതിനിടെ അപകടത്തില്‍പ്പെട്ടത്.

ബസില്‍ മുതിർന്നവരും കുട്ടികളും അടക്കം നിരവധി ആളുകള്‍ ഉണ്ടായിരുന്നു. പരുക്കേറ്റവരെ അടിമാലി താലൂക്ക് ആശുപത്രിയിലും മോർണിംഗ് സ്റ്റാർ ആശുപത്രിയിലുമായി പ്രവേശിപ്പിച്ചിരിക്കുകയാണ്. ആശുപത്രിയില്‍ പ്രവേശിപ്പിച്ച ഭൂരിഭാഗം ആളുകള്‍ക്കും കാര്യമായ പരുക്കുകളുണ്ട്.