ട്രെയിനുകളിൽ ഇനി മസാജിംഗും;വൻ മാറ്റത്തിനൊരുങ്ങി ഇന്ത്യൻ റെയിൽവേ

സ്വന്തംലേഖിക

ന്യൂഡൽഹി: ഇന്ത്യൻ റെയിൽവെയുടെ ചരിത്രത്തിലാദ്യമായി ട്രെയിനുകളിൽ ഇനി മസാജ് സർവ്വീസും ലഭ്യമാകും. രാജ്യത്തെ 39 ട്രെയിനുകളിലാണ് ഈ സേവനം ലഭിക്കുക. യാത്രയ്ക്കിടെ ആവശ്യമുള്ള യാത്രക്കാർക്ക് ഈ സേവനം ഉപയോഗപ്പെടുത്താമെന്ന് ഇന്ത്യൻ റെയിൽവെ വ്യക്തമാക്കി.ഇൻഡോറിൽ നിന്ന് ആരംഭിക്കുന്ന ട്രെയിനുകളിലാണ് ഈ സൗകര്യം ഇപ്പോൾ ലഭ്യമാവുക. ഡെറാഡൂൺ-ഇൻഡോർ എക്സ്പ്രസ് (14317), ന്യൂ ഡൽഹി -ഇൻഡോർ ഇന്റർസിറ്റി എക്സ്പ്രസ് (12416), ഇൻഡോർ – അമൃത്സർ എക്സ്പ്രസ് (19325) എന്നീ ട്രെയിനുകളിലുൾപ്പടെയാണ് ഈ സേവനം ലഭിക്കുക.പശ്ചിമ റെയിൽവെയുടെ വെത്‌ലാം ഡിവിഷനാണ് ഈ ആവശ്യം മുന്നോട്ട് വച്ചത്. ഇത് വരുമാനവും യാത്രക്കാരുടെ എണ്ണവും ഉയർത്തുമെന്നാണ് റെയിൽവേയുടെ പ്രതീക്ഷ. ഗോൾഡ്, ഡയമണ്ട്, പ്ലാറ്റിനം എന്നീ വിഭാഗങ്ങളിലായി 20 മിനിറ്റ് വരെ പരമാവധി മസാജ് ചെയ്യുന്നതിന് 100, 200, 300 എന്നിങ്ങനെയാണ് നിരക്കുകൾ.അടുത്ത 20 ദിവസത്തിനുള്ളിൽ സർവ്വീസ് ആരംഭിക്കും. രാവിലെ ആറ് മണി മുതൽ രാത്രി പത്ത് മണി വരെ കോച്ചുകളിൽ ഈ സേവനം ലഭ്യമാകും. മൂന്ന് മുതൽ അഞ്ച് വരെ മസാജ് പ്രൊവൈഡർമാർ ഈ ട്രെയിനുകളിൽ യാത്രക്കാർക്ക് ഒപ്പം യാത്ര ചെയ്യും.