രാവിലെ കഴിക്കുന്ന ഭക്ഷണം പോഷകസമൃദ്ധമായതാകണം. കാരണം ഒരു ദിവസത്തിന്റെ ഉന്മേഷവും ഊർജ്ജവും നല്കുന്നതില് പ്രഭാതഭക്ഷണത്തിന് വലിയ പങ്കുണ്ട്.
വിറ്റാമിനുകളും നാരുകളും ആന്റി ഓക്സിഡന്റുകളും അടങ്ങിയ മധുരക്കിഴങ്ങ് ഉപയോഗിച്ച് എളുപ്പത്തില് തയ്യാറാക്കാവുന്ന ഒരു മധുര വിഭവമാണ് ഈ ബ്രേക്ക്ഫാസ്റ്റ് ഡെസേർട്ട്.
ആരോഗ്യവും രുചിയും ഒരുമിച്ചുള്ള ഈ വിഭവം കുട്ടികള് മുതല് മുതിർന്നവർ വരെ ഇഷ്ടപ്പെടും.
Whatsapp Group 1 | Whatsapp Group 2 |Telegram Group
ചേരുവകള്
മധുരക്കിഴങ്ങ് – ആവശ്യത്തിന്
മൈദ – 2 ടേബിള് സ്പൂണ്
ശർക്കരപാനി – ആവശ്യത്തിന്
തേങ്ങാപ്പാല് – ½ കപ്പ്
ഏലയ്ക്ക – 2 എണ്ണം (പൊടിച്ചത്)
ഉപ്പ് – ചെറിയ തോതില്
നെയ്യ് – 1 ടീസ്പൂണ്
നട്സ് – അലങ്കാരത്തിന്
തയ്യാറാക്കുന്ന വിധം
മധുരക്കിഴങ്ങ് നന്നായി കഴുകി ചെറുതായി മുറിക്കുക. അത് ആവിയില് വേവിച്ച് തണുപ്പിക്കുക. വേവിച്ച കിഴങ്ങ് മൈദ, ഏലയ്ക്ക പൊടി, ഉപ്പ്, ശർക്കരപാനി, തേങ്ങാപ്പാല് എന്നിവ ചേർത്ത് ഒട്ടും കട്ടകളില്ലാതെ മിക്സറില് അരച്ചെടുക്കുക. ചെറിയ ബൗളില് കുറച്ച് നെയ്യൊഴിച്ച് ഈ മിശ്രിതം ഒഴിച്ച് അല്പം ഇളക്കി വേവിച്ച് എടുക്കുക. മുകളില് നട്സ് ചേർത്ത് അലങ്കരിക്കുക. ഇത് തണുപ്പിച്ചോ ചൂടായോ ഇഷ്ടാനുസരണം കഴിക്കാം.
സാധാരണ പ്രഭാതഭക്ഷണങ്ങളില് നിന്ന് വ്യത്യസ്തമായി, ഈ മധുരക്കിഴങ്ങ് ഡെസേർട്ട് ആരോഗ്യത്തിന് ഗുണകരവും രുചിയില് സമ്ബന്നവുമാണ്. പ്രകൃതിദത്ത മധുരവും പോഷകവിലയും നിറഞ്ഞ ഈ വിഭവം പ്രഭാതത്തിലെ നല്ലൊരു എനർജി ബൂസ്റ്ററാകും.
