സ്വന്തം ലേഖിക
പാലക്കാട്: സ്വര്‍ണക്കടത്തില്‍ വെളിപ്പെടുത്തല്‍ നടത്തിയതിന് പിന്നാലെ കെ.ടി ജലീല്‍ നല്‍കിയ പരാതിയില്‍ പൊലീസെടുത്ത കേസ് റദ്ദാക്കണമെന്ന് ആവശ്യപ്പെട്ട് സ്വപ്ന സുരേഷ് വീണ്ടും ഹൈക്കോടതിയിലേക്ക്.
തിങ്കളാഴ്‌ച കോടതിയില്‍ ഹര്‍ജി നല്‍കുമെന്നാണ് സ്വപ്ന വ്യക്തമാക്കുന്നത്. ജലീലിന്റെ പരാതിയില്‍ കന്റോണ്‍മെന്റ് പൊലീസാണ് സ്വപ്‌നയ്‌ക്കും പി.സി ജോര്‍ജിനും എതിരെ കേസെടുത്തത്. കോടതിയില്‍ പി.സി ജോര്ജും ഹര്‍ജി നല്‍കും.
Whatsapp Group 1 | Whatsapp Group 2 |Telegram Group
സ്വപ്‌നയും പി.സി ജോര്ജും ചേര്‍ന്ന് ഗൂഢാലോചന നടത്തിയെന്നും കലാപമുണ്ടാക്കാന്‍ ശ്രമിച്ചുവെന്നുമായിരുന്നു ജലീല്‍ നല്‍കിയ പരാതി. നിയമോപദേശത്തിനെത്തുടര്‍ന്ന് 123 ബി, 150 വകുപ്പുകളനുസരിച്ച്‌ പൊലീസ് കേസെടുത്തു. അതേസമയം ഇന്ന് മൂന്ന് മണിയ്‌ക്ക് മുഖ്യമന്ത്രിയ്‌ക്ക് വേണ്ടി ഇടനിലക്കാരനായെത്തിയെന്ന് സ്വപ്ന സുരേഷ് ആരോപിക്കുന്ന ഷാജ് കിരണുമായുള‌ള ശബ്‌ദരേഖ പുറത്തുവിടുമെന്ന് സ്വപ്ന അറിയിച്ചു.
മുഖ്യമന്ത്രിക്ക് വേണ്ടി ഇടനിലക്കാരനായി എത്തിയ കൊട്ടാരക്കര സ്വദേശി ഷാജ് കിരണ്‍ ഭീഷണിപ്പെടുത്തിയെന്നാണ് സ്വപ്ന സുരേഷിന്റെ ആരോപണം. ജീവന് ഭീഷണിയുണ്ടെന്നും, അതിനാലാണ് ശേഖരിച്ച തെളിവുകളെല്ലാം പുറത്തുവിടുന്നതെന്നും സ്വപ്ന വ്യക്തമാക്കിയിരുന്നു.
