സ്വന്തം ലേഖിക.
സുരേഷ് ഗോപി അഭിനയിക്കുന്ന 257-ാമത്തെ സിനിമയ്ക്ക് കൊച്ചിയില് തുടക്കമായി. സനല് വി ദേവനാണ് ചിത്രം സംവിധാനം ചെയ്യുന്നത്.
കുഞ്ഞമ്മിണീസ് ഹോസ്പിറ്റല് എന്ന ചിത്രത്തിലൂടെ ഏറെ ശ്രദ്ധേയനായ സംവിധായകനാണ് സനല് വി ദേവൻ. മാവെറിക് മൂവീസ് പ്രൈവറ്റ് ലിമിറ്റഡ്, സഞ്ജയ് പടിയൂര് എന്റര്ടെയ്ന്മെന്റ് എന്നീ ബാനറുകളില് വിനീത് ജയ്നും സഞ്ജയ് പടിയൂരും ചേര്ന്നാണ് ചിത്രം നിര്മ്മിക്കുന്നത്.
Whatsapp Group 1 | Whatsapp Group 2 |Telegram Group
ഇടപ്പള്ളി അഞ്ചുമന ദേവീക്ഷേത്രത്തില് ലളിതമായി നടന്ന പൂജാ ചടങ്ങോടെയാണ് ചിത്രത്തിന് തുടക്കമായത്. സുരാജ് വെഞ്ഞാറമൂട് സ്വിച്ചോണ് കര്മ്മം നിര്വ്വഹിക്കുകയും രാജാസിംഗ് ഫസ്റ്റ് ക്ലാപ്പ് നല്ക്കുകയും ചെയ്തു.
ചലച്ചിത്ര രംഗത്തെ നിരവധിപ്പേരുടെ സാന്നിദ്ധ്യവും ചടങ്ങില് ഉണ്ടായിരുന്നു. പൂര്ണ്ണമായും ത്രില്ലര് ജോണറില് അവതരിപ്പിക്കുന്ന ഈ ചിത്രത്തില് ഗൗതം വസുദേവ് മേനോൻ, സുരാജ് വെഞ്ഞാറമൂട് എന്നിവരും മുഖ്യവേഷങ്ങളില് അഭിനയിക്കുന്നു. ഇവര്ക്ക് പുറമെ മലയാളത്തിലെ പ്രമുഖ താരങ്ങളും ഈ ചിത്രത്തില് അണിനിരക്കുന്നുണ്ട്.
കഥ ജിത്തു കെ ജയൻ, മനു സി കുമാര്, തിരക്കഥ മനു സി കുമാര്, ചായാഗ്രഹണം അജയ് ഡേവിഡ് കാച്ചപ്പിളളി, എഡിറ്റിംഗ് മണ്സൂര് മുത്തുട്ടി, കലാസംവിധാനം സുനില് കെ ജോര്ജ്.
