തിരുവനന്തപുരം: ഓണക്കാലത്ത് സര്വകാല റെക്കോര്ഡിലേക്ക് സപ്ലൈകോ. സംസ്ഥാന സര്ക്കാരിന്റെ കൃത്യമായ ഇടപെടലുകളിലൂടെ വിലക്കയറ്റവും ക്ഷാമവുമില്ലാത്ത ഓണവിപണി സാധ്യമാക്കാന് കഴിഞ്ഞതായി പൊതുവിതരണ വകുപ്പ് മന്ത്രി ജി ആര് അനില് പറഞ്ഞു.
ഓഗസ്റ്റ് മാസം മാത്രം 293 കോടി രൂപയുടെ വില്പന സപ്ലൈകോയില് നടന്നു. ഓഗസ്റ്റ് 27ന് മാത്രം വില്പ്പന 13 കോടി രൂപയിലേറെയായിരുന്നു. 29 ആം തീയതി 17 കോടിയിലധികം വില്പ്പനയില് എത്തി. മുപ്പതാം തീയതിയിലും 19 കോടിലധികം രൂപയുടെ വില്പനയാണ് നടന്നത്. സപ്ലൈകോയില് ഇന്ന് മാത്രം വിറ്റഴിച്ചത് 21 കോടിയിലധികം രൂപയുടെ ഉല്പ്പന്നങ്ങളാണ്. ഓണക്കാലത്ത് സപ്ലൈകോയുടെ വില്പന 300 കോടി കടന്നു.
300 കോടി വില്പനയാണ് സപ്ലൈകോ പ്രതീക്ഷിച്ചിരുന്നത്. എന്നാല് ഇതുവരെ നടന്നത് 319.3 കോടി രൂപയുടെ വില്പനയാണ്. 49 ലക്ഷത്തോളം ഉപഭോക്താക്കള് സപ്ലൈകോയില് എത്തിയെന്നും മന്ത്രി പറഞ്ഞു.
Whatsapp Group 1 | Whatsapp Group 2 |Telegram Group
ഒരു ഉപഭോക്തൃ സംസ്ഥാനം എന്ന നിലയില് കേരളത്തില് ഉത്സവകാലങ്ങളില് ഭക്ഷ്യധാന്യങ്ങള് ഉള്പ്പെടെ എല്ലാ അവശ്യവസ്തുക്കള്ക്കും സ്വാഭാവികമായും വിലക്കയറ്റം ഉണ്ടാകും. എന്നാല് ഇതില് മുന്കൂട്ടി സപ്ലൈയ്ക്കോയ്ക്കും പൊതുവിതരണ വകുപ്പിനും വിപണിയില് ഫലപ്രദമായി ഇടപെടാന് കഴിഞ്ഞു. സപ്ലൈകോയുടെ ചരിത്രത്തിലെ ഏറ്റവും ഉയര്ന്ന വില്പ്പനയാണ് ഇന്ന് നടന്നത്. കഴിഞ്ഞ ഓണത്തിന് 183 കോടിയുടെ വില്പനയായിരുന്നു നടന്നത്.
