കോളേജില്‍ നിന്ന് അസുഖമാണെന്ന് കള്ളം പറഞ്ഞ് വീട്ടിലെത്തി;മരിക്കുന്നെന്ന് സുഹൃത്തുക്കൾക്ക് സന്ദേശമയച്ചു; കൂട്ടുകാരെത്തും മുന്‍പ് പത്തൊൻപത്കാരി ജീവനൊടുക്കി ;എഞ്ചിനീയറിംഗ് വിദ്യാര്‍ത്ഥിനിയുടെ മരണത്തിൽ ദുരൂഹത

സ്വന്തം ലേഖിക

കോഴിക്കോട്:കോളേജിൽ നിന്നും അസുഖമാണെന്ന് കള്ളം പറഞ്ഞു വീട്ടിലെത്തിയ ശേഷം കൂട്ടുകാർക്ക് മരണസന്ദേശം അയച്ച് എഞ്ചിനീയറിംഗ് വിദ്യാര്‍ത്ഥിനി ജീവനൊടുക്കി. തുറയൂര്‍ എളാച്ചിക്കണ്ടി സ്വദേശി നൈസ (19)യെയാണ് വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തിയത്.

ഇന്നലെ ഉച്ചയ്ക്കാണ് സംഭവം നടന്നത്.മണിയൂര്‍ എഞ്ചിനീയറിംഗ് കോളേജ് വിദ്യാര്‍ത്ഥിനിയാണ് നൈസ. കോളേജില്‍ നിന്ന് അസുഖമാണെന്ന് പറഞ്ഞ് വീട്ടിലെത്തിയ നൈസ യൂണിഫോമില്‍ തന്നെ തൂങ്ങിമരിക്കുകയായിരുന്നു.

ഈ സമയം വീട്ടിൽ മറ്റാരും ഉണ്ടായിരുന്നില്ല. ഫോണ്‍ സന്ദേശം ലഭിച്ച കൂട്ടുകാര്‍ ഉടന്‍തന്നെ വീട്ടില്‍ എത്തിയെങ്കിലും ജീവന്‍ രക്ഷിക്കാനായില്ല. അച്ഛന്‍: സജി, അമ്മ: ഇന്ദുലേഖ, സഹോദരി: നേഹ