മുഖക്കുരു വന്നതോടെ വിഷാദ രോഗം ; പതിനഞ്ചുകാരിയെ തൂങ്ങിമരിച്ച നിലയിൽ കണ്ടെത്തി

സ്വന്തം ലേഖകൻ

Link

Embed

Copy and paste this HTML code into your webpage to embed.

മംഗളൂരു: മുഖക്കുരു വന്നതിന് പിന്നാലെ വിഷാദ രോഗവും മംഗലാപുരത്ത് ഒൻപതാം ക്ലാസ് വിദ്യാർത്ഥിനി തൂങ്ങി മരിച്ചു. ദക്ഷിണ കന്നഡ ജില്ലയിലെ പുത്തൂർ താലൂക്കിലെ പാൽടാഡിയിലാണ് സംഭവം. കെയൂരിലെ കർണാടക പബ്ലിക് സ്‌കൂളിലെ ഒൻപതാം ക്ലാസ് വിദ്യാർത്ഥിനിയായ ദിവ്യ (15)യെയാണ് തൂങ്ങി നിലയിൽ കണ്ടെത്തിയത്.

മുഖത്ത് മുഖക്കുരു വരാൻ തുടങ്ങിയതോടെ വളരെയധികം അസ്വസ്ഥയായിരുന്നുവെന്ന് പെൺകുട്ടിയുടെ വീട്ടുകാർ പറയുന്നു. മുഖക്കുരുവിൽ നിന്നും രക്ഷപ്പെടാനാണ് പെൺകുട്ടി ആത്മഹത്യയുടെ വഴി സ്വീകരിച്ചതെന്ന് കൂട്ടുകാരികൾ സൂചിപ്പിക്കുന്നത്.

മുഖക്കുരു കാരണം പെൺകുട്ടി വിഷാദരോഗത്തിന് അടിമയായിരുന്നുവെന്നും വീട്ടുകാരും പൊലീസും പറയുന്നു. ബെല്ലാരെ പൊലീസ് സ്റ്റേഷന്റെ പരിധിയിലാണ് സംഭവം. സംഭവത്തിൽ പൊലീസ് അന്വേഷണം ആരംഭിച്ചു.