സ്വന്തം ലേഖകൻ
മുണ്ടക്കയം: വണ്ടൻപതാലിലെ ഓട്ടോ ഡ്രൈവറും ബ്ലേഡുകാരനുമായ അപ്പാവു സന്തോഷ് സ്വർണ്ണവും പണവും വാങ്ങിയ ശേഷം ഭീഷണിപ്പെടുത്തുകയും, അപമാനിക്കുകയാണെന്നും കത്ത് എഴുതി വെച്ച ശേഷം യുവതി ആറ്റിൽ ചാടി.
ഇന്നലെ ഉച്ചയോടെയാണ് സംഭവം . യുവതിയെ കാണാനില്ലന്ന വാർത്ത സോഷ്യൽ മീഡിയ വഴി വ്യാപകമായി ഷെയർ ചെയ്യപ്പെടുകയും നാട്ടുകാർ തിരച്ചിൽ നടത്തുകയും ചെയ്യുന്നതിനിടെയാണ് യുവതി മുണ്ടക്കയത്ത് മണിമലയാറ്റിൽ ചാടിയത്.
Whatsapp Group 1 | Whatsapp Group 2 |Telegram Group
ചൂണ്ടയിടുകയായിരുന്ന യുവാക്കൾ ഇത് കാണുകയും അവർ യുവതിയെ രക്ഷപെടുത്തി മുണ്ടക്കയം സ്റ്റേഷനിലെത്തിക്കുകയുമായിരുന്നു.
സന്തോഷ് തന്നോട് 6 ലക്ഷം രൂപയും, സ്വർണ്ണവും വാങ്ങിയതായി യുവതി പറയുന്നു.
സ്വർണ്ണവും പണവും വാങ്ങിയിരുന്നതായി സന്തോഷ് സമ്മതിക്കുന്ന ഓഡിയോ ക്ലിപ്പുകളും, പണം യുവതി തിരികെ ചോദിക്കുമ്പോൾ കേട്ടാലറയ്ക്കുന്ന രീതിയിൽ സന്തോഷും, ഭാര്യയും അസഭ്യം പറയുന്ന ഓഡിയോ ക്ലിപ്പുകളും സോഷ്യൽ മീഡിയയിൽ വ്യാപകമായി ഷെയർ ചെയ്യുന്നുണ്ട്.
