സുഡാനില്‍ വെടിയേറ്റ് മരിച്ച ആല്‍ബര്‍ട്ട് അഗസ്റ്റിന്റെ മൃതദേഹം ഇന്ന് നാട്ടിലെത്തിക്കും.വൈകിട്ട് 6:30 ഓടെ കണ്ണൂര്‍ എയര്‍പോര്‍ട്ടില്‍ എത്തുമെന്നാണ് ബന്ധുക്കള്‍ക്ക് ലഭിച്ചിരിക്കുന്ന വിവരം
.
സ്വന്തം ലേഖകൻ
ന്യൂഡല്‍ഹി: സുഡാനില്‍ വെടിയേറ്റ് മരിച്ച ആല്‍ബര്‍ട്ട് അഗസ്റ്റിന്റെ മൃതദേഹം വ്യാഴാഴ്ച നാട്ടിലെത്തിക്കും.
Whatsapp Group 1 | Whatsapp Group 2 |Telegram Group
നിലവില്‍ പോര്‍ട്ട് സുഡാനില്‍ എത്തിച്ച മൃതദേഹം വ്യോമയാന മാര്‍ഗ്ഗം കണ്ണൂര്‍ എയര്‍പോര്‍ട്ട് മുഖാന്തരമാണ് കൊണ്ടുവരുന്നത്. ഇന്ത്യന്‍ സമയം ഇന്ന് ഉച്ചയ്ക്ക് മൂന്നുമണിയോടെ പോര്‍ട്ട് സുഡാനില്‍ നിന്നും പുറപ്പെടുന്ന ഫ്ലൈറ്റ് വൈകിട്ട് 6:30 ഓടെ കണ്ണൂര്‍ എയര്‍പോര്‍ട്ടില്‍ എത്തുമെന്നാണ് ബന്ധുക്കള്‍ക്ക് ലഭിച്ചിരിക്കുന്ന വിവരം.
എംബസി വഴിയാണ് മൃതദേഹം നാട്ടിലെത്തിക്കുന്നത്. ആലക്കോട് നെല്ലിപ്പാറയിലെ വീട്ടിലെത്തിക്കുന്ന മൃതദേഹം വെള്ളിയാഴ്ച രാവിലെ 10:30 ന് നെല്ലിപ്പാറ ദേവാലയ കുടുംബ കല്ലറയിലാണ് സംസ്കരിക്കും .
ഏപ്രില്‍ 15നാണ് സുഡാനിലെ ഫ്ലാറ്റില്‍ വെച്ച്‌ ആല്‍ബര്‍ട്ട് അഗസ്റ്റിന്‍ വെടിയേറ്റ് മരിച്ചത്. ഭാര്യയുടെയും മകളുടെയും കണ്‍മുന്നില്‍ വച്ചായിരുന്നു ആല്‍ബര്‍ട്ട് അഗസ്റ്റിന്‍ വെടിയേറ്റ് മരിച്ചത്. യുദ്ധഭൂമിയില്‍ കുടുങ്ങിയ ആല്‍ബര്‍ട്ടിന്റെ ഭാര്യയെയും മകളെയും കഴിഞ്ഞമാസം 27നാണ് നാട്ടിലെത്തിച്ചത്.
