കുറഞ്ഞ ചെലവിൽ അവധിക്കാലം ആഘോഷമാക്കാം; കുട്ടികളുടെ ലൈബ്രറി & ജവഹർ ബാലഭവനിൽ അവധിക്കാല ക്ലാസുകളിലേയ്ക്ക് അഡ്മിഷൻ ആരംഭിച്ചു; മുതിർന്നവർക്കും കുട്ടികൾക്കും പ്രത്യേകം ക്ലാസുകൾ

സ്വന്തം ലേഖിക

കോട്ടയം: കുറഞ്ഞ ചെലവിൽ അവധിക്കാലം ആഘോഷമാക്കാൻ ഇതാ വൻ അവസരം.

കുട്ടികളുടെ ലൈബ്രറി & ജവഹർ ബാലഭവനിൽ അവധിക്കാല ക്ലാസുകളിലേയ്ക്ക് അഡ്മിഷൻ ആരംഭിച്ചു. കുറഞ്ഞ ഫീസിൽ മുതിർന്നവർക്കും കുട്ടികൾക്കും മികച്ച അധ്യാപകരുടെ സേവനവും സൗജന്യ വ്യക്തിത്വ വികസന ക്ലാസുകളും പ്രത്യേകം ഒരുക്കിയിട്ടുണ്ട്.

ശാസ്ത്രീയ സംഗീതം, ലളിത സംഗീതം, ഉപകരണ സംഗീതം, വീണ വയലിൻ, ഗിത്താർ, കീബോർഡ്, തബല, മൃദംഗം, ട്രിപ്പിൾ, ജാസ്, ചെണ്ട , ഇടയ്ക്ക എന്നിവയിലും, ഭരതനാട്യം ,മോഹിനിയാട്ടം, കുച്ചിപ്പുടി, ഫോക്ക് ഡാൻസ്, കഥക്, കേരള നടനം, സിനിമാറ്റിക് ഡാൻസ് , ഡ്രോയിംങ്, പെയിന്റിംങ്, തയ്യൽ ആന്റ് എംബ്രോയ്ഡറി, മലയാളം അക്ഷരമാലാ പഠനം, സ്‌പോക്കൺ ഇംഗ്ലീഷ്, ഹിന്ദി ഭാഷാ പഠനം, സംസ്‌കൃത പഠനം, അബാക്കസ്, കരാട്ടെ, യോഗ, സുംബ ഡാൻസ് തുടങ്ങിയവയിലാണ് പരിശീലനം ഒരുക്കിയിരിക്കുന്നത്.
ഫോൺ – 0481 2583004, 7012425859.