സ്കൂൾ വിട്ട് വീട്ടിലേയ്ക്ക് മടങ്ങും വഴി തെരുവുനായ ആക്രമണം ; പാമ്പാടിയിൽ 10 വയസ്സുകാരിയ്ക്ക് കടിയേറ്റു ; കുട്ടി കോട്ടയം മെഡിക്കൽ കോളേജിൽ ചികിത്സയിൽ

സ്വന്തം ലേഖകൻ

പാമ്പാടി : പാമ്പാടിയിൽ 10 വയസ്സുകാരിയെ തെരുവുനായ കടിച്ചു. ഇന്ന് വൈകുന്നേരം 4 മണിയോട് കൂടിയായിരുന്നു സംഭവം. കാളച്ചന്ത പെട്രോൾ പമ്പിന് സമീപമുള്ള റോഡിലൂടെ സ്കൂൾ വിട്ട് വീട്ടിലേയ്ക്ക് മടങ്ങും വഴിയാണ് 10 വയസ്സുകാരി ദിയയെ തെരുവുനായ അക്രമിച്ചത്.

തൊട്ടടുത്ത പറമ്പിൽ മരം വെട്ടിക്കൊണ്ട് ഇരുന്നവർ കുട്ടിയുടെ കരച്ചിൽ കേട്ട് ഓടി എത്തി നായയെ ഓടിച്ചു.
തുടർന്ന് പാമ്പാടി താലൂക്ക് ആശുപത്രിയിലും തുടർ ചികിത്സക്കായി കോട്ടയം മെഡിക്കൽ കോളേജിലും പ്രവേശിപ്പിച്ചു.

തെരുവുനായ വിഷയത്തിൽ പാമ്പാടി ഗ്രാമപഞ്ചായത്തിൻ്റെ പുറംതിരിഞ്ഞ സമീപനം കൊണ്ടാണ് ഇത്തരം സംഭവങ്ങൾ ആവർത്തിക്കുന്നതെന്ന് നാട്ടുകാർ പറഞ്ഞു. തെരുവ് നായ പ്രശ്നത്തിന് പരിഹാരം ഉത്തരാവാദപ്പെട്ടവരുടെ ഭാഗത്തു നിന്നു ഉണ്ടാവണമെന്ന് പൈതൃകം റെസിഡൻസ് അസോസിയേഷൻ സെക്രട്ടറി പി.ജെ മോനിച്ചൻ പറഞ്ഞു.