
സംസ്ഥാനത്ത് കനത്ത മഴയില് വ്യാപക നാശനഷ്ടം; മൂന്നാർ ഗ്യാപ്പ് റോഡില് പലയിടത്തും മണ്ണിടിച്ചില്; കല്ലാർകുട്ടി, പാമ്പ്ല അണക്കെട്ടുകള് തുറന്നു; പന്തളത്ത് ചുഴലിക്കാറ്റില് നിരവധി പോസ്റ്റുകളും മരങ്ങളും വീണു; പമ്പയില് ജലനിരപ്പുയർന്നു; ആലുവയില് ശിവ ക്ഷേത്രം വെള്ളത്തില് മുങ്ങി; കണ്ണൂരില് വെള്ളക്കെട്ടില് വീണ് സ്ത്രീ മരിച്ചു; ചുരങ്ങളില് ഗതാഗതം തടസപ്പെട്ടു
തിരുവനന്തപുരം: സംസ്ഥാനത്ത് മഴക്കെടുതി രൂക്ഷം.
കണ്ണൂരിർ മട്ടന്നൂർ കോളാരിയില് വെള്ളക്കെട്ടില് വീണ് സ്ത്രീക്ക് ദാരുണന്ത്യം. കുഞ്ഞാമിനയാണ് (51) മരിച്ചത്.
മഴ കനത്തതോടെ ആലുവ ശിവ ക്ഷേത്രം വെള്ളത്തില് മുങ്ങി. കനത്ത മഴയിലും കാറ്റിലും കണ്ണൂരിലും കാസർകോഡും വീടുകള് തകർന്നു. പലയിടത്തും ഇലക്ട്രിക് പോസ്റ്റുകള് തകർന്നു. മരം കടംപുഴകി വീണു.
Whatsapp Group 1 | Whatsapp Group 2 |Telegram Group

മൂന്നാർ ഗ്യാപ്പ് റോഡില് പലയിടത്തും മണ്ണിടിച്ചില്. ലോവർ പെരിയാർ വൈദ്യുതി നിലയത്തിലേക്ക് വീണ്ടും മണ്ണിടിഞ്ഞ് വീണ് രണ്ട് ഫീഡറുകള് തകർന്നു. താമരശ്ശേരി, കുറ്റ്യാടി ചുരങ്ങളില് മരം വീണ് ഗതാഗതം തടസപ്പെട്ടു. താമരശ്ശേരി ചുരത്തില് ആറാം വളവിനും ഏഴാം വളവിനും ഇടയിലാണ് മരം വീണത്. ഫയർ ഫോഴ്സും ഹൈ വേ പോലീസും വനം വകുപ്പ് ഉദ്യോഗസ്ഥരും എത്തി മരം മുറിച്ച് മാറ്റി.
കുറ്റ്യാടി ചുരം റോഡില് മരം വീണതിനെ തുടർന്ന് തടസപ്പെട്ട ഗതാഗതം പുനഃസ്ഥാപിച്ചു.
ഇടുക്കിയില് രാവിലെ മുതല് മഴ മാറി നില്ക്കുന്നു. ലോവർപെരിയാർ വൈദ്യുതി നിലയത്തില് വീണ്ടും മണ്ണിടിച്ചില് ഉണ്ടായി. പാറക്കല്ലുകള് വീണ് രണ്ട് ഫീഡറുകള് തകർന്നു. കല്ലാർകുട്ടി, പാമ്പ്ല അണക്കെട്ടുകള് തുറന്നു. മണ്ണിടിഞ്ഞും മരം വീണും ഉണ്ടായ ഗതാഗത തടസം പുനഃസ്ഥാപിച്ചു.
പത്തനംതിട്ട ജില്ലയിലും ഇന്നലെ കാറ്റിലും മഴയിലും വ്യാപക നാശനഷ്ടമുണ്ടായി. പന്തളത്ത് വീശിയടിച്ച ചുഴലിക്കാറ്റില് നിരവധി പോസ്റ്റുകളും മരങ്ങളും വീണു. പമ്പയില് ജലനിരപ്പുയർന്നതോടെ അരയാഞ്ഞിലിമണ് കോസ് വേ മുങ്ങി.
വയനാട് പുല്പ്പള്ളിയില് വീടിന്റെ മുറ്റത്തോട് ചേര്ന്ന 50 അടി താഴ്ച്ചയുള്ള കിണര് ഇടിഞ്ഞുതാഴ്ന്നു. താഴെയങ്ങാടി ചേലാമഠത്തില് തോമസിന്റെ വീട്ടുമുറ്റത്തെ കിണറാണ് തകര്ന്നത്. പുല്പ്പള്ളിയില് കാറ്റിലും മഴയിലും വര്ക്ക് ഷോപ്പിന് മുകളിലേക്ക് തെങ്ങ് കടപുഴകി വീണ് നാശനഷ്ടമുണ്ടായി. പുളിയംമാക്കല് അരുണിന്റെ താഴെയങ്ങാടിയില് പ്രവര്ത്തിക്കുന്ന എവിഎ. മോട്ടോര്സിന്റെ മുകളിലേക്ക് ആണ് തെങ്ങ് വീണത്.
കനത്ത മഴയില് ആലുവ ശിവക്ഷേത്രം മുങ്ങി. ഇന്ന് പുലർച്ചെ 5.05 നാണ് ശിവക്ഷേത്രം പൂർണമായി മുങ്ങിയത്. ഈ വർഷം ഇത് ആദ്യമായാണ് ക്ഷേത്രം മുങ്ങുന്നത് ആലുവ ശിവക്ഷേത്രത്തെ സംബന്ധിച്ചിടത്തോളം ശിവഭഗവാൻ സ്വയം ആറാടുന്നതായാണ് ഇത് കണക്കാക്കുന്നത്. മലപ്പുറം വടശ്ശേരിയില് റോഡിന് കുറുകെ മരം വീണു. എടവണ്ണ അരീക്കോട് റോഡിലാണ് മരം വീണത് വൈദ്യുതി ലൈനും തകർന്നു. അഗ്നിരക്ഷാ സേനയും നാട്ടുകാരും ചേർന്ന് മരം മുറിച്ചു മാറ്റി ഗതാഗതം പുനഃസ്ഥാപിച്ചു.