സ്വന്തം ലേഖിക
തിരുവനന്തപുരം: അറബിക്കടലില് തേജ് ചുഴലിക്കാറ്റ് രൂപപ്പെട്ടു.
ഇന്ത്യൻ തീരത്തിന് ഭീഷണിയില്ല എന്നാണ് കാലാവസ്ഥാ കേന്ദ്രത്തിൻ്റെ അറിയിപ്പ്. ബുധനാഴ്ച രാവിലെയോടെ ഒമാൻ – യമൻ തീരത്ത് കരയില് പ്രവേശിക്കാൻ സാധ്യതയെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ റിപ്പോര്ട്ട്. തേജ് ചുഴലിക്കാറ്റ് .
Whatsapp Group 1 | Whatsapp Group 2 |Telegram Group
അതേസമയം, സംസ്ഥാനത്ത് ഇടിമിന്നലോട് കൂടിയ ഇടത്തരം മഴ തുടരാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഒറ്റപ്പെട്ടയിടങ്ങളില് ശക്തമായ മഴയ്ക്കും സാധ്യതയുണ്ട്.
മലയോര മേഖലയില് ജാഗ്രത തുടരണം. എന്നാല് ഇന്നും നാളെയും ഒരു ജില്ലയിലും മഴമുന്നറിയിപ്പ് നല്കിയിട്ടില്ല. തിങ്കളാഴ്ച്ച മുതല് മഴ ശക്തമായേക്കാനാണ് സാധ്യത.
കേരള – തെക്കൻ തമിഴ്നാട് തീരങ്ങളില് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ട്. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല.അടുത്ത 48 മണിക്കൂറിനുള്ളില് തുലാവര്ഷം തെക്കേ ഇന്ത്യക്കു മുകളില് എത്തിച്ചേരാൻ സാധ്യതയുണ്ട്.
തുലാവര്ഷത്തിന്റെ തുടക്കം ദുര്ബലമായിരിക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
