മറ്റ് സിമ്മുകള്‍ ഉപേക്ഷിച്ച്‌ ജനം ബിഎസ്‌എന്‍എല്ലിലേക്ക് ഒഴുകും; വമ്പന്‍ മാറ്റം മൂന്ന് മാസത്തിനുള്ളില്‍; സംസ്ഥാനത്തെമ്പാടുമായി 5000 4ജി ടവറുകള്‍
തിരുവനന്തപുരം: മൊബൈല്‍ ഇന്റര്‍നെറ്റിന്റെയും കോളുകളുടെയും വേഗതയും കാര്യക്ഷമതയും കൂട്ടി ബി.എസ്.എന്‍.എല്‍.
സംസ്ഥാനത്തെമ്പാടുമായി 5000 4ജി ടെക്‌നോളജി സംവിധാനത്തോടെയുള്ള ടവറുകള്‍ സ്ഥാപിച്ചതോടെയാണിത്. ഈ ടവറുകളുടെ മേഖലകളില്‍ അതിവേഗതയില്‍ ഇന്റര്‍നെറ്റും കോളുകളും കിട്ടും.
രാജ്യത്താകെ ഇതിനകം 65000 ടവറുകള്‍ സ്ഥാപിച്ചുകഴിഞ്ഞു. ഒരുലക്ഷം ടവറുകളാണ് ലക്ഷ്യം. കേരളത്തില്‍ ഇനിയും കൂടുതല്‍ ടവറുകള്‍ വരും. ഈ വര്‍ഷം ജൂണ്‍ മാസത്തോടെ 4ജി ടവറുകളുടെ വിന്യാസം പൂര്‍ത്തിയാകും. ജൂണിന് ശേഷം 5ജി ടവറുകളാക്കി രൂപമാറ്റത്തിനുള്ള നടപടികളും തുടങ്ങും.
രാജ്യത്ത് കുറഞ്ഞ ചെലവില്‍ 4ജി സേവനങ്ങള്‍ നല്‍കുന്ന ഏക സ്ഥാപനമാണ് ബി.എസ്.എന്‍.എല്‍.
കൂടുതല്‍ ടവറുകള്‍ വന്നതോടെ ബി.എസ്.എന്‍.എല്ലിനെ കുറിച്ച്‌ നെറ്റ് വര്‍ക്കില്ലെന്നതും നെറ്റ് സ്പീഡ് കുറവാണെന്നതുമൊക്കെയായ പരാതികള്‍ക്കാണ് പരിഹാരമാകുന്നത്.
Whatsapp Group 1 | Whatsapp Group 2 |Telegram Group
നിരക്കും താരിഫ് പാക്കേജും താരതമ്യേന കുറവാണെന്നുള്ളത് സെക്കന്‍ഡറി കണക്ഷന്‍ ബി.എസ്.എന്‍.എല്ലിലേക്ക് മാറുന്ന പ്രവണത കൂടിവരികയാണെന്നാണ് റിപ്പോര്‍ട്ട്. അതേസമയം, മൊബൈല്‍ ഇന്റര്‍നെറ്റ് മേഖലയിലെ ഇതര സ്ഥാപനങ്ങളുമായി മത്സരിക്കാന്‍ ബി.എസ്.എന്‍.എല്‍. ഇനിയും കരുത്ത് നേടേണ്ടതുണ്ട്. ഇത്തവണ ഏറെ വര്‍ഷത്തിന് ശേഷം ബി.എസ്.എന്‍.എല്‍.പ്രവര്‍ത്തന ലാഭം നേടി. രാജ്യത്ത് ബി.എസ്.എന്‍.എല്ലിന് പിന്തുണ നല്‍കുന്ന സംസ്ഥാനമാണ് കേരളം. നഷ്ടത്തിലായിരുന്ന സമയത്തിലും ലാഭം കൈവരിച്ചിരുന്ന മേഖലകള്‍ കേരളവും മുംബയും ആയിരുന്നു. ഇവിടങ്ങളില്‍ കൂടുതല്‍ വികസനം നടത്താനാണ് തീരുമാനം.
