സംസ്ഥാന ബാസ്‌കറ്റ്ബോള്‍ ചാമ്പ്യൻഷിപ്പ് ;പുരുഷ വിഭാഗത്തില്‍ കോട്ടയവും വനിതവിഭാഗത്തില്‍ എറണാകുളവും കലാശപ്പോരിലേക്ക് യോഗ്യത നേടി.
മഞ്ചേരി: ഗവ. ബോയ്‌സ് ഹയര്‍സെക്കൻഡറി സ്കൂളില്‍ നടക്കുന്ന സംസ്ഥാന ബാസ്‌കറ്റ്ബാള്‍ ചാമ്പ്യൻഷിപ്പില്‍ പുരുഷ വിഭാഗത്തില്‍ കോട്ടയവും വനിതവിഭാഗത്തില്‍ എറണാകുളവും കലാശപ്പോരിലേക്ക് യോഗ്യത നേടി.
ആദ്യം നടന്ന വനിത സെമിഫൈനലില്‍ എറണാകുളം 75 -52 എന്ന സ്കോറിനാണ് കൊല്ലത്തെ പരാജയപ്പെടുത്തിയത്. രണ്ടാം സെമിയില്‍ തൃശൂര്‍ -കോട്ടയം മത്സരത്തിലെ വിജയികളുമായി ഫൈനലില്‍ ഏറ്റുമുട്ടും. പുരുഷ വിഭാഗത്തിലെ ആദ്യ സെമിയില്‍ ഇന്റര്‍നാഷനല്‍ താരം ജിൻസ് കെ. ജോബിയുടെയും എൻ.ബി.എ അക്കാദമി താരം കൃഷ്ണലാല്‍ മുകേഷിന്റെയും നേതൃത്വത്തില്‍ ഇറങ്ങിയ നിലവിലെ ചാമ്ബ്യന്മാരായ കോട്ടയം 85 -52ന് തിരുവനന്തപുരത്തെ പരാജയപ്പെടുത്തി ഫൈനലില്‍ പ്രവേശിച്ചു.
ഫൈനലില്‍ തൃശൂര്‍ -ആലപ്പുഴ മത്സരത്തിലെ വിജയികളെ നേരിടും. വിജയികള്‍ക്ക് സ്റ്റീഫൻ കോശി ജേക്കബ് മെമ്മോറിയല്‍ എവര്‍ റോളിങ് ട്രോഫി, വേലാണ്ടി അച്ചു മാസ്റ്റര്‍, പി.കെ.എസ് നായിഡു മെമ്മോറിയല്‍ എവര്‍ റോളിങ് ട്രോഫികള്‍ എന്നിവ നല്‍കും.
Whatsapp Group 1 | Whatsapp Group 2 |Telegram Group
മലപ്പുറം ജില്ല ബാസ്‌കറ്റ്‌ ബാള്‍ അസോ. മുൻ സെക്രട്ടറിയും കേരള ബാസ്‌കറ്റ്‌ ബാള്‍ അസോ. ട്രഷററുമായ ജഗദീഷ് ചന്ദ്രദാസിന്റെ പേരില്‍ ഏര്‍പ്പെടുത്തിയ മൂല്യമുള്ള കളിക്കാരനുള്ള പുരസ്കാരവും ക്യാഷ് അവാര്‍ഡും ഇരുവിഭാഗങ്ങള്‍ക്കും നൽകും .
