കോട്ടയം നഗരത്തിൽ തെരുവ് നായ ആക്രമണം : അലഞ്ഞുതിരിഞ്ഞു നടന്ന നായ ഓടിച്ചിട്ട് കടിച്ചത് മുൻ നഗരസഭാ ചെയർമാൻ പി ജെ വർഗീസടക്കം ഏഴ് പേരെ; തെരുവ് നായക്ക് പേ വിഷബാധ ഉള്ളതായി സംശയം

കോട്ടയം: നഗരത്തിൽ ഇന്നുച്ചയ്ക്ക് ഉണ്ടായ തെരുവ് നായ ആക്രമണത്തെ തുടർന്ന് ഏഴു പേർക്ക് നായയുടെ കടിയേറ്റു.

അലഞ്ഞുതിരിഞ്ഞു നടന്ന നായ ഓടിച്ചിട്ട് കടിച്ചത് മുൻ നഗരസഭാ ചെയർമാൻ പി ജെ വർഗീസും, റിട്ട. ഫയർ ഓഫീസറുമടക്കം ഏഴ് പേരെയാണ് .
ഇവരിൽ നാല് പേർ ജില്ലാ ആശുപത്രിയിൽ ചികിത്സ തേടി.

കോട്ടയം നഗരസഭയുടെ മുൻ ചെയർമാൻ പി ജെ വർഗീസ് , റിട്ട ഫയർ ഓഫീസർ വർഗീസ് , ടി ബി റോഡിലെ വിജെ ഫുട് വെയറിലെ ജീവനക്കാരൻ ഷാനവാസ്, സാജൻ ജേക്കബ് എന്നിവരടക്കം ഏഴ് പേർക്കാണ് നായയുടെ കടിയേറ്റത്.

മാർക്കറ്റ് റോഡിൽ നിന്നും വഴിയാത്രക്കാരെ ആക്രമിച്ച നായ ടി ബി റോഡ് വഴി കെഎസ്ആർടിസി ഭാഗത്തേക്ക് ഓടുകയായിരുന്നു. ഓടിയ വഴി കണ്ണിൽ കണ്ടവരെയെല്ലാം നായ ആക്രമിച്ചു.

തുടർന്ന് എംജി റോഡിൽ മീൻ മാർക്കറ്റിന് സമീപം സ്വകാര്യ പുരയിടത്തിൽ നായ ഓടിക്കയറി. ഇവിടെ നിന്നും നഗരസഭാ ജീവനക്കാരെത്തി നായയെ പിടികൂടിയായിരുന്നു.

നായക്ക് പേ വിഷബാധയുള്ളതായി സംശയമുണ്ട്. ഈ നായ മറ്റ് നായകളെയും കടിച്ചിരിക്കാൻ സാധ്യതയുണ്ട്. ഇതോടെ വലിയ ആശങ്കയിലാണ് നഗരത്തിലെ വ്യാപാരികളും യാത്രക്കാരും