സ്വന്തം ലേഖകന്‍
കോട്ടയം: കോട്ടയം ഫിലാറ്റലിക് ആന്‍ഡ് ന്യുമിസ്മാറ്റിക്‌സ് സൊസൈറ്റിയുടെ ആഭിമുഖ്യത്തില്‍ ഡിസംബര്‍ 1 മുതല്‍ 3 വരെ വൈഎംസിഎ ഹാളില്‍ സ്റ്റാമ്പ്, നാണയ പ്രദര്‍ശനം നടത്തും. ഡിസംബര്‍ 1 ന് രാവിലെ 10.30ന് ജില്ലാ കളക്ടര്‍ വി.വിഘ്‌നേശ്വരി ഉദ്ഘാടനം ചെയ്യും.
ശില്പശാല, കുട്ടികള്‍ക്കായി ക്വിസ് മത്സരങ്ങള്‍, മാജിക് ഷോ എന്നിവ ഇതോടനുബന്ധിച്ച് നടത്തും. സമാപന ദിവസം നാണയ ലേലവും നടത്തും. ആദ്യകാല നാണയവും കറന്‍സിയും മുതല്‍ അപൂര്‍വ സ്റ്റാമ്പുകള്‍ വരെ പ്രദര്‍ശനത്തിനുണ്ടാവും.
Whatsapp Group 1 | Whatsapp Group 2 |Telegram Group
ക്വിസ് മത്സരങ്ങളില്‍ വിജയിക്കുന്നവര്‍ക്ക് ആകര്‍ഷകമായ സമ്മാനങ്ങള്‍ നല്കും. സ്റ്റാമ്പ, കറന്‍സി എന്നിവയിലൂടെ വിദ്യാര്‍ഥികള്‍ക്ക് അറിവ് പകരാന്‍ പ്രദര്‍ശനം ഉപകരിക്കുമെന്ന് ഭാരവാഹികള്‍ പത്രസമ്മേളനത്തില്‍ പറഞ്ഞു.
സൊസൈറ്റി പ്രസിഡന്റ് കെ.ടി.ജോസഫ്, സെക്രട്ടറി അദീഷ് കുമാര്‍ ജയ്ന്‍, ട്രഷറര്‍ ജോര്‍ജ് വര്‍ഗീസ് , എക്‌സിബിഷന്‍ ചെയര്‍മാന്‍ ജോസഫ് മാത്തായി എന്നിവര്‍ പത്ര സമ്മേളനത്തില്‍ പങ്കെടുത്തു.
