കൊച്ചി: നടന്‍ ശ്രീനാഥ് ഭാസി പൊലീസ് സ്റ്റേഷനില്‍ പൊട്ടിക്കരഞ്ഞു. അവതാരകയോട് മോശമായി പെരുമാറിയതിന് ചോദ്യം ചെയ്യലിന് ഹാജരായ ഭാസി, ചോദ്യങ്ങള്‍ മയക്കുമരുന്ന് ഉപയോഗത്തിലേക്ക് നീണ്ടതോടെയാണ് പൊട്ടിക്കരഞ്ഞത്.
ശ്രീനാഥ് ഭാസിയെ ആശുപത്രിയില്‍ കൊണ്ടുപോയ അന്വേഷണ സംഘം അദ്ദേഹത്തിന്റെ നഖവും മുടിയും വിദഗ്ദ പരിശോധനക്ക് അയച്ചിട്ടുണ്ട്. ഈ പരിശോധനയില്‍ താരം ലഹരി ഉപയോഗിച്ചതായി തെളിഞ്ഞാല്‍, കേസിന്റെ സ്വഭാവം തന്നെ മാറും.അതോടെ വീണ്ടും ശ്രീനാഥ് ഭാസിയെ ചോദ്യം ചെയ്ത് കര്‍ശന നടപടിയിലേക്ക് പൊലീസ് കടക്കും.
നിരവധി സിനിമാ താരങ്ങള്‍ക്ക് ലഹരി മാഫിയയുമായി ബന്ധമുണ്ട് എന്ന വിവരം ഇതിനകം തന്നെ പൊലീസിന് ലഭിച്ചിട്ടുണ്ട്. അതു കൊണ്ടു തന്നെ ശ്രീനാഥ് ഭാസിക്കൊപ്പം ഈ താരങ്ങളും നിരീക്ഷണത്തിലാണ്.
Whatsapp Group 1 | Whatsapp Group 2 |Telegram Group
അവതാരകയോട് അപമര്യാദയായി പെരുമാറിയ ശ്രീനാഥ് ഭാസിയുടെ രക്തസാമ്ബിളുകള്‍ പരിശോധിച്ചാല്‍ മാത്രമേ, അദ്ദേഹം എന്തിന്റെ അടിമയാണെന്ന് കണ്ടെത്താന്‍ സാധിക്കൂവെന്ന് നിര്‍മ്മാതാവ് സിയാദ് കോക്കര്‍ നേരത്തെ തന്നെ അഭിപ്രായപ്പെട്ടിരുന്നു. എന്നാല്‍ രക്തസാമ്ബിളില്‍ ഇക്കാര്യം തിരിച്ചറിയാന്‍ കഴിയാത്തതിനാലാണ് നഖവും മുടിയും പരിശോധനക്ക് അയച്ചിരിക്കുന്നത്.
ശ്രീനാഥ് ഭാസിക്കെതിരായ മാധ്യമ പ്രവര്‍ത്തകയുടെ പരാതി അന്വേഷിക്കുന്ന മരട് സി.ഐ സനല്‍കുമാര്‍ നിലവില്‍ മയക്കു മരുന്നു ലോബിയുടെ കണ്ണിലെ പ്രധാന കരടാണ്. കേരളത്തിലേക്ക് മയക്കു മരുന്ന് എത്തിക്കുന്ന സംഘത്തിന്‍്റെ പ്രധാനിയെ അടുത്തയിടെ കൊച്ചി പൊലീസ് കമ്മീഷണറുടെ നിര്‍ദ്ദേശപ്രകാരം ബംഗ്ലുരിവില്‍ പോയി അറസ്റ്റ് ചെയ്തു കൊണ്ടു വന്നതും സി.ഐ സനല്‍കുമാറാണ്. അതു കൊണ്ട് തന്നെ വിശദമായ അന്വേഷണമാണ് ഭാസി പ്രതിയായ കേസിലും ഇപ്പോള്‍ നടക്കുന്നത്.
മയക്കു മരുന്ന് ഉപയോഗിക്കുന്ന യുവ സൂപ്പര്‍ താരങ്ങള്‍, സംവിധായകര്‍, നടിമാര്‍ എന്നിവരുടെ ഒരു ലിസ്റ്റ് മുന്‍പ് പൊലീസിന്റെ പ്രത്യേക അന്വേഷണ സംഘം തയ്യാറാക്കിയിരുന്നു.എന്നാല്‍ റെയ്ഡ് നടത്താന്‍ അന്നത്തെ സംസ്ഥാന പൊലീസ് ചീഫ് അനുമതി നല്‍കിയിരുന്നില്ല. ഈ ലിസ്റ്റും പുതിയ സാഹചര്യത്തില്‍ അന്വേഷണ സംഘം പരിശോധിക്കുന്നുണ്ട്.
