ശ്രീ ശങ്കരനാരായണ സ്വാമി ക്ഷേത്രത്തിലെ തിരുവുത്സവം അഞ്ചാം ദിനം ഇന്ന്; നാട് കാത്തിരിക്കുന്ന ഉത്സവത്തിന്റെ പ്രധാന ദിനങ്ങൾ വന്നെത്തി; ഉത്സവത്തിനായി എത്തുന്നത് ആയിര‌ങ്ങൾ

കോട്ടയം: ശ്രീ ശങ്കരനാരായണ സ്വാമി ക്ഷേത്രത്തിലെ തിരുവുത്സവം അഞ്ചാം ദിനം ഇന്ന്. ക്ഷേത്രമേഖല ഉത്സവത്തിരക്കിൽ. നാട് കാത്തിരിക്കുന്ന ഉത്സവത്തിന്റെ പ്രധാന ദിനങ്ങൾ വന്നെത്തി.

ഇന്ന് രാവിലെ 8 മണിക്ക് ശ്രീബലി എഴുന്നള്ളത്ത്,12.30 മുതൽ ഉത്സവബലി ദർശനം, 1 മണിക്ക് അന്നദാനം, 6.30 ന് ദീപാരാധന, 7 മുതൽ ഓട്ടൻതുള്ളൽ, 9 മണി മുതൽ ഗാനമേള (പത്തനംതിട്ട സാരംഗ് -ഒറിജിനൽ ഓർക്കസ്ട്ര).

അഞ്ചാം ഉത്സവം മുതൽ ക്ഷേത്രത്തിൽ തിരക്ക് വർധിക്കും. ജില്ലയിലെ പ്രധാന ഉത്സവം കൂടിയാണ് തോട്ടയ്ക്കാട് ശിവരാത്രി മഹോത്സവം. ആയിരങ്ങൾ ശിവരാത്രി ദിനത്തിൽ തോട്ടയ്ക്കാട് ക്ഷേത്രത്തിൽ എത്തിച്ചേരും.

കോട്ടയം നഗരത്തിൽ നിന്നും 14 കിലോമീറ്ററും ചങ്ങനാശ്ശേരിയിൽ നിന്ന് 13 കിലോമീറ്ററും കറുകച്ചാലിൽ നിന്ന് 6 കിലോമീറ്ററും ആണ് ക്ഷേത്രത്തിലേക്കുള്ള ദൂരം.