തിരുവനന്തപുരം: ഇത്തവണത്തെ സംസ്ഥാന സ്കൂള് കായികമേളയിലെ പ്രതിഷേധത്തിന്റെ പേരില് രണ്ട് സ്കൂളുകള്ക്ക് വിലക്കുമായി സര്ക്കാര്.
തിരുനാവായ നാവാ മുകുന്ദ ഹയര് സെക്കന്ഡറി സ്കൂളിനെയും, കോതമംഗംലം മാര് ബേസില് ഹയര് സെക്കന്ഡറി സ്കൂളിനെയുമാണ് അടുത്ത കായിക മേളയില് നിന്ന് വിലക്കിയത്. തിരുവനന്തപുരം ജിവി രാജ സ്പോര്ട്സ് സ്കൂളിന് രണ്ടാം സ്ഥാനം നല്കിയതിനെതിരെയായിരുന്നു എറണാകുളത്ത് നടന്ന കായിക മേളയില് രണ്ട് സ്കൂളുകളും വിദ്യാര്ഥികളെ ഇറക്കി പ്രതിഷേധിച്ചത്.
സംഭവത്തിന് പിന്നാലെ അന്വേഷണത്തിന് മൂന്നംഗ സമിതിയെ വിദ്യാഭ്യാസ വകുപ്പ് ചുമതലപ്പെടുത്തിയിരുന്നു. ഇവരുടെ റിപ്പോര്ട്ട് കൂടി പരിഗണിച്ചാണ് നടപടി.
Whatsapp Group 1 | Whatsapp Group 2 |Telegram Group
സ്കൂള് കായികമേള സംഘര്ത്തില് അധ്യാപകര്ക്കെതിരെ നടപടിക്കും സമിതി ശുപാര്ശ ചെയ്തിട്ടുണ്ട്. സംസ്ഥാന സ്കൂള് കായികമേളയില് പലതവണ ചാംപ്യന്മാരായ ടീമാണ് കോതമംഗലം മാര് ബേസില് സ്കൂള്. വിദ്യാര്ത്ഥികളെ ഇറക്കി പ്രതിഷേധിച്ചതിനെ തുടര്ന്നാണ് നടപടി.
നാവാ മുകുന്ദാ സ്കൂളിലെ മൂന്ന് അധ്യാപകര്ക്കെതിരെയും മാര് ബേസിലിലെ രണ്ട് അധ്യാപകര്ക്കുമെതിരെയാണ് വകുപ്പ് തല നടപടിക്ക് ശുപാര്ശ ചെയ്തിട്ടുള്ളത്.
