ചര്‍മ്മത്തെ ബാധിക്കുന്ന ഒരു രോഗമാണ് സോറിയാസിസ്. ചര്‍മ്മത്തിന്‍റെ പുറംപാളിയായ എപ്പിഡെര്‍മിസിന്‍റെ വളര്‍ച്ച ശരീരത്തിന്റെ ചില ഭാഗങ്ങളില്‍ മാത്രം വര്‍ധിക്കുതാണ് സോറിയാസിസ് എന്ന രോഗം. ചർമ്മത്തിൽ ചുവന്ന, ചെതുമ്പൽ പാടുകൾ രൂപപ്പെടുക, തൊലി അസാധാരണമായ രീതിയില്‍ കട്ടി വയ്ക്കുക എന്നീ അവസ്ഥകളാണ് സോറിയാസിസില്‍ ഉണ്ടാകുന്നത്.
ത്വക്കില്‍ പാടുകള്‍ ഉണ്ടാകുകയും അതില്‍ ചുവപ്പോ കറുപ്പോ നിറത്തിലുള്ള അടയാളങ്ങള്‍ പ്രത്യക്ഷപ്പെടുകയും അസഹ്യമായ ചൊറിച്ചില്‍ ഉണ്ടാകുകയും ശല്‍ക്കങ്ങള്‍ ഉണ്ടാകുകയും ചെയ്യുന്നതാണ് സോറിയാസിസിന്റെ പ്രധാന ലക്ഷണങ്ങള്‍.
സോറിയാസിസിന്റെ പ്രധാന കാരണം പ്രതിരോധ സംവിധാനത്തിന്റെ ക്രമക്കേടാണ്, ജനിതക കാരണങ്ങള്‍, അണുബാധകള്‍, സമ്മര്‍ദ്ദം, ചില മരുന്നുകള്‍, പുകവലി, മദ്യപാനം, അമിതഭാരം തുടങ്ങിയ ജീവിതശൈലി ഘടകങ്ങളാണ്.
Whatsapp Group 1 | Whatsapp Group 2 |Telegram Group
ജനിതകശാസ്ത്രം
കുടുംബത്തില്‍ സോറിയാസിസ് ഉണ്ടെങ്കില്‍ ഈ അവസ്ഥ വരാനുള്ള സാധ്യത വര്‍ദ്ധിക്കുന്നു.
രോഗപ്രതിരോധ സംവിധാനത്തിലെ പ്രശ്‌നങ്ങള്‍
സോറിയാസിസ് ഒരു സ്വയം പ്രതിരോധ രോഗമാണ്. ശരീരത്തിലെ പ്രതിരോധ സംവിധാനം ആരോഗ്യകരമായ ചര്‍മ്മകോശങ്ങളെ തെറ്റിദ്ധരിച്ച്‌ ആക്രമിക്കുകയും ചര്‍മ്മകോശങ്ങളുടെ അതിവേഗ വളര്‍ച്ചയ്ക്ക് കാരണമാവുകയുമാണ് ചെയ്യുന്നത്.
സമ്മര്‍ദ്ദം
മാനസിക സമ്മര്‍ദ്ദം സോറിയാസിസ് ലക്ഷണങ്ങള്‍ വര്‍ദ്ധിപ്പിക്കാന്‍ കാരണമാകാം.
അണുബാധകള്‍
സ്‌ട്രെപ്‌റ്റോകോക്കല്‍ തൊണ്ടവേദന പോലുള്ള ചില അണുബാധകള്‍ സോറിയാസിസ് വഷളാക്കാന്‍ സാധ്യതയുണ്ട്.
ജീവിതശൈലി
പുകവലി, അമിതമായ മദ്യപാനം, അമിതഭാരം.
ചര്‍മ്മത്തിന് പരിക്കുകള്‍
മുറിവുകള്‍, പോറലുകള്‍, അല്ലെങ്കില്‍ സൂര്യതാപം തുടങ്ങിയവ സോറിയാസിസ് കോബ്‌നര്‍ പ്രതിഭാസം (പരിക്കേറ്റ സ്ഥലത്ത് സോറിയാസിസ് പ്രത്യക്ഷപ്പെടുന്നത്) ഉണ്ടാക്കാം.
ട്രിഗറുകള്‍ (ലക്ഷണങ്ങള്‍ വര്‍ദ്ധിപ്പിക്കുന്ന ഘടകങ്ങള്‍)
ചില മരുന്നുകള്‍
ബീറ്റാ-ബ്ലോക്കറുകള്‍, ലിഥിയം, മലേറിയ വിരുദ്ധ മരുന്നുകള്‍ തുടങ്ങിയവ.
ഹോര്‍മോണ്‍ മാറ്റങ്ങള്‍
പ്രായപൂര്‍ത്തിയാകുമ്ബോഴോ ആര്‍ത്തവവിരാമം സംഭവിക്കുമ്ബോഴോ ഉണ്ടാകുന്ന ഹോര്‍മോണ്‍ വ്യതിയാനങ്ങള്‍.
കാലാവസ്ഥ
തണുത്തതും വരണ്ടതുമായ കാലാവസ്ഥ ചര്‍മ്മത്തെ വരണ്ടതാക്കി ലക്ഷണങ്ങള്‍ വഷളാക്കും.
