മരിച്ചു പോയ അമ്മയെ പുനർജീവിപ്പിക്കാൻ വേണ്ടി മൃത്യുഞ്ജയ മന്ത്രം: മൃതദേഹത്തിനൊപ്പം മകന് ജീവിച്ചത് മൂന്ന് മാസം
അസം: അമ്മ മരിച്ചത് അറിയാതെ അമ്മയ്ക്കൊപ്പം താമസമാക്കി മകൻ. ഗുവാഹത്തി സ്വദേശിയായ ജയ്ദീപ് ദേവിന്റെ അമ്മ പൂർണിമാ ദേവാണ് മൂന്ന് മാസങ്ങള്ക്ക് മുമ്പ് മരിച്ചത്. എന്നാല്, അമ്മയുടെ ശവ സംസ്കാരം നടത്താതെ മകന്, മൃതദേഹം വീട്ടില് സൂക്ഷിച്ചത് മൂന്ന് മാസത്തോളം.
അമ്മ മരിച്ചില്ലില്ലെന്ന് ഭാവിച്ച ഇയാള്, എല്ലാ ദിവസവും അമ്മയ്ക്കായ് ഭക്ഷണം ഉണ്ടാക്കുകയും ചെയ്തു. അമ്മയുടെ പെന്ഷന് പിന്വലിക്കാനും ഇയാള് പലതവണ ബാങ്കിലെത്തി. ഒടുവില് സംശയം തോന്നിയ അയല്വാസികള് ജയ്ദീപിനെ പിടിച്ച് ചോദ്യം ചെയ്തപ്പോഴാണ് മരണവാർത്ത പുറം ലോകമറിഞ്ഞത്. തുടർന്ന് പ്രദേശവാസികൾ പോലീസിൽ പരാതി നൽകുകയായിരുന്നു.
ആഴ്ചകളായി പൂർണിമേ പുറത്തേക്ക് കാണാതിരുന്നതും മിക്കവാറും സമയം വീട് പൂട്ടിക്കിടന്നതും വീടിന് ചുറ്റും മാലിന്യ മടിഞ്ഞ് കൂടിയതും അയല്വാസികളില് സംശയം ഉണ്ടായി. വീടും പരിസരവും വൃത്തിയാക്കാന് അയല്വാസികള് ജയ്ദീപിനോട് ആവശ്യപ്പെട്ടെങ്കിലും ഇയാള് നിരസിച്ചു. അമ്മയേ കുറിച്ച് അന്വേഷിച്ചപ്പോള് അമ്മ മരിച്ചെന്നായിരുന്നു ഇയാള് അയല്വാസികളെ അറിയച്ചത്. ഇതോടെയാണ് അയല്വാസികള് പോലീസിനെ വിവരം അറിയിച്ചത്.
Whatsapp Group 1 | Whatsapp Group 2 |Telegram Group
പോലീസ് വീട്ടിലെത്തി പരിശോധിച്ചപ്പോള് പൂർണിമ ദേവിന്റെ മൃതദേഹം കിടക്കയില് അഴുകിയ നിലയിലായിരുന്നു. മൂന്ന് മാസം പഴക്കമുള്ള അസ്ഥികൂടത്തിന് സമീപത്ത് നിന്നും ശിവന്റെ ചിത്രം, ദർഭ പുല്ല്, വിളക്ക്, ഭക്ഷണ വഴിപാടുകൾ എന്നിവയുൾപ്പെടെ മതപരമായ നിരവധി വസ്തുക്കൾ കണ്ടെത്തി. “ഓം നമഃ ശിവായ” എന്ന മന്ത്രം ദിവസവും ജപിക്കാറുണ്ടെന്നും ജയ്ദീപ് പോലീസിനോട് വെളിപ്പെടുത്തി. മൃത്യുഞ്ജയ മന്ത്രം ചൊല്ലുന്നതിലൂടെ തന്റെ അമ്മയെ പുനരുജ്ജീവിപ്പിക്കാനോ എന്നെന്നേക്കുമായി ജീവിക്കാനോ കഴിയുമെന്ന് അദ്ദേഹം വിശ്വസിച്ചിരിക്കാമെന്നാണ് പോലീസും പറയുന്നത്.
