മദ്യലഹരിയിൽ വീടിൻ്റെ വാടകയെ ചൊല്ലി തർക്കം; കമ്പിപ്പാര കൊണ്ട് അച്ഛനെ കുത്തി പരുക്കേല്‍പ്പിച്ച് മകൻ; തടയാനെത്തിയ അമ്മയുടെ കൈ ചവിട്ടി ഒടിച്ചു; യുവാവ് പൊലീസ് കസ്റ്റഡിയിൽ

ചാലക്കുടി: ചാലക്കുടിയില്‍ മകൻ അച്ഛനെ കുത്തി പരുക്കേല്‍പ്പിച്ചു.

തടയാനെത്തിയ അമ്മയുടെ കൈയും മകന്‍ ചവിട്ടി ഒടിച്ചു. പരിക്കേറ്റ ചാലക്കുടി സ്വദേശി പുഷ്പൻ (69) ചികിത്സയിലാണ്.

ഇദ്ദേഹത്തിന്‍റെ ഭാര്യ ശോഭനയും ആശുപത്രിയില്‍ ചികിത്സ തേടി. ഇവരുടെ മകൻ പ്രതീഷിനെ പൊലീസ് കസ്റ്റഡിയിലെടുത്തു.

സഹോദരൻ പ്രശോഭിനും തലയ്ക്കടിയേറ്റിട്ടുണ്ട്. മദ്യലഹരിയിലായിരുന്നു അക്രമം എന്നാണ് പൊലീസ് പറയുന്നത്. വീടിൻ്റെ വാടകയെ ചൊല്ലിയായിരുന്നു തർക്കം.