എന്‍റെ കണ്ണുകള്‍ നിറഞ്ഞൊഴുകി, അവൾ സുഖമായിരിക്കുന്നുവെന്ന് പ്രതീക്ഷിക്കുന്നു, അമ്മ ആനയുടെ ജീവൻ രക്ഷിച്ച അനുഭവം പങ്കുവെച്ച് ഐഎഎസ് ഓഫീസർ, അഭിനന്ദനവുമായി സോഷ്യൽ മീഡിയ
തമിഴ്നാട്: ലോകമെങ്ങുമുള്ള മൃഗങ്ങള്‍ക്ക് പ്രത്യേകം ചില കഴിവുകൾ ഉണ്ട്. മനുഷ്യർക്ക് എന്തെങ്കിലും സംഭവിച്ചാൽ ആശുപത്രികളിലേയ്ക്ക് കൊണ്ട് ഓടുന്നതുപോലെ ഈ പവപ്പെട്ട മൃഗങ്ങളെ നമ്മളാരും കൊണ്ടുപോകാറില്ലല്ലോ. അതുകൊണ്ട് തന്നെ, ജന്മനാ തന്നെ അവർക്ക് അവരുടെ അസുഖങ്ങൾ തിരിച്ചറിയാനും സ്വയം ചികിത്സിക്കാനും ഒരു പ്രത്യേക കഴിവുണ്ട്.
ആമസോണ്‍ കാടുകളില്‍ നിന്ന് ഒരു ഒറാഗുട്ടാന്‍ സ്വയം ചികിത്സിച്ച് മുറിവ് മാറ്റിയ വാർത്ത ഇതിന് ഉദാഹരണമാണ്. ഇത്തരം മൃഗങ്ങൾ ഇവരുടെ ആവാസവ്യവസ്ഥയിൽ നിന്നുതന്നെ ഇവർക്കുവേണ്ട മരുന്നുകൾ കണ്ടെത്തുന്നുണ്ട്. എന്നാൽ, എല്ലാ സാഹചര്യങ്ങളിലും ഇത് ഫലിക്കില്ല. രക്ഷപ്പെടാൻ ഒരു വഴിയും ഇല്ലാതെ കഷ്ടപ്പെട്ട രോഗാവസ്ഥയിൽ നിന്ന് അമ്മ ആനയെ രക്ഷപ്പെടുത്തിയത് എങ്ങനെയായിരിക്കും. ആ അനുഭവങ്ങൾ തുറന്നുപറഞ്ഞിരിക്കുകയാണ് തമിഴ്നാട് വനംവകുപ്പ് ഉദ്യോഗസ്ഥ സുപ്രിയ സാഹു ഐഎഎസ്.
വീണു കിടന്ന അമ്മ ആനയ്ക്കരികിൽ ചുറ്റിത്തിരിഞ്ഞ 3 മാസം പ്രായമുള്ള ഒരു ആനക്കുട്ടിയെയാണ് വനം വകുപ്പ് സംഘം ആദ്യം കണ്ടെത്തിയത്. സംഘത്തിലെ മറ്റ് ആനകളെ പ്രദേശത്ത് നിന്നും മാറ്റിയ ശേഷം ക്രെയിന്‍ ഉപയോഗിച്ച് അമ്മ ആനയെ ഉയര്‍ത്തി. പിന്നീട് വിദഗ്ദരായ മൃഗഡോക്ടര്‍മാരുടെ സഹായത്തോടെ മൂന്ന് ദിവസം ആ ക്രെയിനില്‍ കിടത്തി ചികിത്സിച്ചു.
Whatsapp Group 1 | Whatsapp Group 2 |Telegram Group
ഇതിനിടെ രാത്രി കാലങ്ങളില്‍ ആനക്കൂട്ടത്തോടൊപ്പം തന്‍റെ അമ്മയുടെ സുഖവിവരം തേടി കുട്ടിയാന എത്തിയിരുന്നെന്നും സുപ്രിയ സോഷ്യൽമീഡിയയിൽ പങ്കുവെക്കുന്നു. ഒടുവില്‍ കുറച്ച് ദിവസത്തെ ചികിത്സയ്ക്ക് ശേഷം ആനയെ തിരികെ കാട്ടിലേക്ക് തന്നെ വിട്ടയച്ചു. വൈകാരികമായ കുറിപ്പിലൂടെയാണ് ഈ അനുഭവം പങ്കുവെച്ചിരിക്കുന്നത്.
ഇതിനകം ഒന്നര ലക്ഷത്തിലേറെ പേരാണ് സുപ്രിയയുടെ കുറിപ്പും വീഡിയോകളും കണ്ടത്. ‘അതിശയകരം സുപ്രിയ… എന്‍റെ കണ്ണുകള്‍ നിറഞ്ഞൊഴുകി. സന്തോഷവും സങ്കടവുമായിരുന്നു… അവൾ സുഖമായിരിക്കുന്നുവെന്ന് പ്രതീക്ഷിക്കുന്നു , ദൈവം നിങ്ങളെ എല്ലാവരെയും അനുഗ്രഹിക്കട്ടെ.’ എന്നിങ്ങനെ നിരവധി കമന്റുകളാണ് പോസ്റ്റിനു താഴെ നിറഞ്ഞിരിക്കുന്നത്.
