വീടിന് പുറത്ത് പല ഭാഗങ്ങളിലും ദ്വാരങ്ങൾ ഉള്ളതായി നിങ്ങൾ ശ്രദ്ധിച്ചിട്ടുണ്ടാവും; ഒറ്റനോട്ടത്തിൽ തന്നെ നമ്മൾ അതിനെ പാമ്പിൻ്റെ മാളമാണെന്ന് കരുതുകയും ചെയ്യും; എന്നാൽ, ശരിക്കും അത് പാമ്പിൻ്റെ മാളം തന്നെയാണോ? പാമ്പിന്റെ മാളം എങ്ങനെ തിരിച്ചറിയാം..!
വീടിന് പുറത്ത് പല ഭാഗങ്ങളിലും ദ്വാരങ്ങള്‍ ഉള്ളതായി നിങ്ങള്‍ ശ്രദ്ധിച്ചിട്ടുണ്ടാവും. ഒറ്റനോട്ടത്തില്‍ തന്നെ നമ്മള്‍ അതിനെ പാമ്പിൻ്റെ മാളമാണെന്ന് കരുതുകയും ചെയ്യും.
എന്നാല്‍ ശരിക്കും അത് പാമ്പിൻ്റെ മാളം തന്നെയാണോ? നിങ്ങള്‍ എങ്ങനെ ഉറപ്പിക്കും. തീർച്ചയായും നിങ്ങള്‍ കാണുന്നത് പാമ്ബിന്റെ മാളം തന്നെയാണോ എന്ന് ഉറപ്പിക്കേണ്ടത് അത്യാവശ്യമാണ്. ഇത് തെറ്റിദ്ധാരണകളെ ഒഴിവാക്കാനും സഹായിക്കുന്നു. പാമ്ബുകളുടെ മാളങ്ങള്‍ തിരിച്ചറിയാൻ എന്തൊക്കെ കാര്യങ്ങളാണ് ശ്രദ്ധിക്കേണ്ടതെന്ന് അറിയാം.
പാമ്പിൻ്റെ മാളം എങ്ങനെയിരിക്കും
Whatsapp Group 1 | Whatsapp Group 2 |Telegram Group
പാമ്ബുകള്‍ സ്വന്തമായി മാളങ്ങള്‍ കുഴിക്കാറില്ല. പകരം മറ്റ് മൃഗങ്ങള്‍ കുഴിച്ച്‌ ഉപേക്ഷിച്ച ദ്വാരങ്ങളും മാളങ്ങളും ഏറ്റെടുക്കുകയാണ് ചെയ്യുന്നത്. ഒരു ഇഞ്ച് മുതല്‍ മൂന്ന് ഇഞ്ച് വരെയാണ് ഇതിന്റെ വ്യാസം ഉണ്ടാവുന്നത്. ചിലപ്പോള്‍ ഇത് വൃത്തത്തിലാവാം അല്ലെങ്കില്‍ ഓവല്‍ ആകൃതിയിലും ആകാം.
മാളത്തിന്റെ രണ്ട് അറ്റങ്ങളും കൂർത്തിരിക്കുകയും ചെയ്യും. ഇനി മറ്റ് മൃഗങ്ങളുടേതാണെങ്കില്‍ അവ ഇങ്ങനെയാവും ഉണ്ടായിരിക്കുക. അണ്ണാൻ കുഴിച്ചതാണെങ്കില്‍ വൃത്തിയുള്ളതും ചെറിയ ആകൃതിയിലും ആയിരിക്കും ദ്വാരം കാണപ്പെടുന്നത്. ഇനി ദ്വാരം എലിയുടേതാണെങ്കില്‍ സസ്യങ്ങള്‍ക്ക് ചുറ്റും വരുന്ന ചെറിയ രീതിയിലുള്ള കുഴികള്‍ ആയിട്ടാവും ഉണ്ടാവുന്നത്.
ദ്വാരത്തിന് സമീപം പാമ്പിൻ്റെതെന്ന് തോന്നുന്ന എന്തെങ്കിലും ലക്ഷണങ്ങള്‍ ഉണ്ടോ എന്ന് നിരീക്ഷിക്കണം. ഉദാഹരണത്തിന് പാമ്പിൻ്റെ തൊലിയോ അല്ലെങ്കില്‍ കാഷ്ഠമോ ഉണ്ടോ എന്ന് നോക്കാം. ഇത് ഉണ്ടെങ്കില്‍ അത് പാമ്ബിന്റെ മാളം തന്നെയാണെന്ന് ഉറപ്പിക്കാൻ സാധിക്കും.
എലി മാളം
കുഴികള്‍ കുഴിക്കുന്നതില്‍ പ്രധാനികളാണ് എലികള്‍. ഇത് എലിയുടേത് തന്നെയാണോ എന്ന് അറിയാൻ ഈ കാര്യങ്ങള്‍ ശ്രദ്ധിച്ചാല്‍ മതി. കൈകാലുകളുടെ ചെറിയ അടയാളങ്ങള്‍, കുഴിച്ച മണ്ണിന്റെ കുമ്ബാരങ്ങള്‍ എന്നിവ കാണുന്നുണ്ടെങ്കില്‍ അതിനർത്ഥം മാളത്തിനുള്ളില്‍ ഉള്ളത് എലിതന്നെയാണ് എന്നാണ്. കൂടാതെ എലികള്‍ മാളമുണ്ടാക്കാൻ കീറിമുറിച്ച പ്ലാസ്റ്റിക്, പേപ്പർ, കാർഡ്ബോർഡ്, തുണിത്തരങ്ങള്‍ എന്നിവ ഉപയോഗിക്കാറുണ്ട്. അതിനാല്‍ തന്നെ ഇത്തരം വസ്തുക്കള്‍ മാളത്തിന് സമീപം കണ്ടാല്‍ അതിനർത്ഥം മാളം എലിയുടേതാണ് എന്നാണ്.
പാമ്ബ് വരാനുള്ള കാരണങ്ങള്‍ ഇതാണ്
പാമ്ബുകള്‍ പ്രകൃതി ആവാസവ്യവസ്ഥയുടെ ഭാഗമാണ്. അതിനാല്‍ തന്നെ പാമ്ബുകളെ വീട്ടില്‍ കണ്ടാല്‍ അതില്‍ അതിശയിക്കേണ്ടതില്ല. എന്നിരുന്നാലും പാമ്ബ് വീട്ടിലേക്ക് വരാനുള്ള ചില കാരണങ്ങള്‍ ഇവയാണ്.
ഭക്ഷണം: പാമ്ബുകള്‍ ഏലി, പ്രാണികള്‍, ഉഭയജീവികള്‍ എന്നിവയെയാണ് ഭക്ഷിക്കുന്നത്. അതിനാല്‍ തന്നെ ഇവ വീട്ടിലുണ്ടെങ്കില്‍ പാമ്ബ് വരാനുള്ള സാധ്യതയും വളരെ കൂടുതലാണ്.
മൂടുപടങ്ങള്‍: പടർന്നുകയറുന്ന സസ്യങ്ങള്‍, ഇലക്കൂമ്ബാരങ്ങള്‍, പാറ ഇടുക്കുകള്‍ എന്നിവ പാമ്ബുകള്‍ക്ക് ഇരിക്കാൻ സൗകര്യമുള്ള ഇടങ്ങളാണ്. ഈ സാഹചര്യം വീട്ടില്‍ ഉണ്ടെങ്കില്‍ പാമ്ബ് വരാനുള്ള സാധ്യത വളരെ കൂടുതലാണ്.
ഈർപ്പം: ഈർപ്പമുള്ള പ്രദേശങ്ങളും വെള്ളം കെട്ടികിടക്കുന്ന ഇടങ്ങളും പാമ്ബുകള്‍ക്ക് അതിജീവനത്തിന് ആവശ്യമായ ഈർപ്പം നല്‍കുന്നു. അതുപോലെ ഈർപ്പം ഇഷ്ടപ്പെടുന്ന ഇരകളെ പിടികൂടാനും ഇത് കാരണമാകുന്നു.
പാമ്പിൻ മാളങ്ങള്‍ എന്തുചെയ്യണം
പാമ്ബുകളുടെ തരംപോലെയാണ് ഇത് എങ്ങനെ നശിപ്പിക്കണമെന്നത് മനസ്സിലാക്കാൻ. അവ എന്തൊക്കെയെന്ന് അറിയാം.
ഒന്നും ചെയ്യാതിരിക്കാം: പാമ്ബിന്റെ മാളം കണ്ടാല്‍ നിങ്ങള്‍ അതിനെ ഒന്നും ചെയ്യാൻ പോകേണ്ടതില്ല. ഇത് പാമ്ബുകളെ പ്രകോപിതരാക്കുന്നത് തടയുകയും ആക്രമിക്കുന്നത് ഒഴിവാക്കാനും സാധിക്കുന്നു.
ദ്വാരം മൂടാം: മാളങ്ങള്‍ മൂടുന്നത് ഒരു ശാശ്വത പരിഹാരമായി കാണരുത്. കാരണം ഒരിക്കല്‍ പാമ്ബുകള്‍ക്ക് ആ സ്ഥലം ഇഷ്ടപെട്ടാല്‍ പിന്നെയും അവിടെ തന്നെ മാളമുണ്ടാക്കാൻ സാധ്യതയുണ്ട്. അതിനാല്‍ തന്നെ മാളങ്ങള്‍ മൂടുമ്ബോള്‍ മണ്ണ്, അല്ലെങ്കില്‍ കല്ലിട്ട് മൂടാൻ ശ്രദ്ധിക്കണം.
