ഉറക്കം കിട്ടാതെ പോയാല്‍ അന്നത്തെ ദിവസം പലർക്കും പോക്കായിരിക്കും. ചിലർക്ക് രാത്രി മുഴുവൻ ഉറങ്ങാൻ കഴിയാതെ പകല്‍ സമയത്ത് കൂടുതല്‍ ഉറങ്ങേണ്ടിവരും.
എന്നാല്‍ പകല്‍ കൂടുതല്‍ സമയം ഉറങ്ങുന്നതു ശരീരത്തിന്റെ സ്വാഭാവിക പ്രവർത്തനങ്ങളെ ബാധിക്കുന്ന ഒരു ശീലം ആണ്. പഠനങ്ങള്‍ പറയുന്നത്, രാത്രിയില്‍ ഉറങ്ങാതെ പകല്‍ അധികമായി ഉറങ്ങുന്നത് ശരീരത്തിലെ ഹോർമോണുകളുടെയും മെറ്റബോളിസത്തിന്റെയും താളം തെറ്റിക്കുന്നതാണ്. ഇത് ശരീരത്തിന്റെ ശരിയായ പ്രവർത്തനത്തെ ബാധിക്കാനും ആരോഗ്യ പ്രശ്നങ്ങള്‍ ഉണ്ടാക്കാനും ഇടയാക്കുന്നു.
രാത്രിയില്‍ ഉണർന്നിരിക്കുക മെലറ്റോണിൻ എന്ന ഹോർമോണിന്‍റെ ഉത്പാദനത്തെ നേരിട്ട് ബാധിക്കുന്നു. മെലറ്റോണിൻ ഹോർമോണ്‍ രാത്രിയിലെ ഇരുട്ടില്‍ ഉത്പാദിപ്പിക്കപ്പെടുന്ന ഹോർമോണ്‍ ആണ്, ഇത് ശരീരത്തിന്റെ സ്വാഭാവിക ഉറക്ക-ജാഗ്രത ചക്രത്തെ നിയന്ത്രിക്കുന്നു. രാത്രിയില്‍ വെളിച്ചം കൂടിയിരിക്കുന്ന സാഹചര്യത്തില്‍, മൊബൈല്‍ ഫോണ്‍ പോലുള്ള ഉപകരണങ്ങളുടെ ഉപയോഗം മെലറ്റോണിൻ ഉത്പാദനം കുറയ്ക്കുന്നു. അതിനാല്‍ ശരീരത്തിന്റെ ‘സ്ലീപ്പ്-വേക്ക് സൈക്കിള്‍’ താളം തെറ്റുന്നു, ശരീരം സ്വയം റിപ്പയർ ചെയ്യാനും പ്രധാന ഹോർമോണുകള്‍ ഉത്പാദിപ്പിക്കാനും കഴിയാതെ പോവുന്നു.
Whatsapp Group 1 | Whatsapp Group 2 |Telegram Group
വൈദ്യശാസ്ത്രം പറയുന്നത്, രാത്രി ഷിഫ്റ്റുകളില്‍ ജോലി ചെയ്യുന്നവർ പോലും തുടർച്ചയായി രാത്രി ജോലി ചെയ്യാതെ കൃത്യമായ ഇടവേളകള്‍ എടുക്കുന്നത് ആരോഗ്യത്തിന് നിർണായകമാണ്. ഇത് പാലിക്കാതെ പോകുമ്ബോള്‍ ഹൃദ്രോഗം, പ്രമേഹം, അമിത സമ്മർദ്ദം തുടങ്ങിയ പ്രശ്നങ്ങള്‍ ഉയരാൻ സാധ്യത കൂടുതലാണ്. ശരീരത്തിന്റെ സ്വാഭാവിക താളം നിലനിർത്താൻ, സമയബന്ധിതമായ ഉറക്കം ഉറപ്പാക്കുകയും രാത്രി വെളിച്ചത്തില്‍ ജോലി ചെയ്യുമ്ബോള്‍ ജാഗ്രത പാലിക്കുകയും ചെയ്യേണ്ടതാണ്. ഇതിലൂടെ നമ്മുടെ ശരീരം ശരിയായ രീതിയില്‍ പ്രവർത്തിക്കുകയും ആരോഗ്യകരമായ നില നിലനിർത്തുകയും ചെയ്യും.
