കുമരകം ശ്രീകുമാരമംഗലം ക്ഷേത്രത്തിൽ നിന്നുള്ള 14-മത് ശിവഗിരി തീർത്ഥാടന പദയാത്ര ആരംഭിച്ചു: പദയാത്ര സമിതിയാണ് നേതൃത്വം നൽകുന്നത്: ഡിസംബർ 30 – ന് ശിവഗിരിയിലെത്തും.

കുമരകം: 92മത് കുമരകം ശിവഗിരി തീർത്ഥാടന പദയാത്രയോടനുബന്ധിച്ചു ശ്രീകുമാരമംഗലം ക്ഷേത്രത്തിൽ നിന്നുള്ള 14മത് കുമരകം പദയാത്ര ആരംഭിച്ചു. ഇന്നലെ രാവിലെ

ശ്രീകുമാരമംഗലം ക്ഷേത്ര സന്നിധിയിൽ നടന്ന ചടങ്ങിൽ എസ്.കെ.എം ദേവസ്വത്തിന്റെയും വിവിധ ശാഖാ യോഗങ്ങളുടെയും പ്രതിനിധികൾ പങ്കെടുത്തു. ക്ഷേത്രം തന്ത്രി ബ്രഹ്മശ്രീ

എരമല്ലൂർ ഉഷേന്ദ്രൻ തന്ത്രികളുടെ മുഖ്യ കാർമ്മികത്വത്തിൽ നടന്ന സമൂഹ പ്രാർത്ഥനയ്ക്ക് ശേഷമാണ് പദയാത്ര ആരംഭിച്ചത്. ഡിസംബർ 30-ാം തീയതി ശിവഗിരിയിലെത്തും നിരവധി

ശ്രീനാരായണ ഭക്തരാണ് ഈ വർഷം പദയാത്രയുടെ ഭാഗമാകുന്നത്. പദയാത്ര ക്യാപ്റ്റൻ ശിവദാസ് ആണ്ടിത്തറ ആണ്.

പദയാത്രയെ വിവിധ സ്ഥലങ്ങളിൽ സ്വീകരിക്കുന്നതിനുള്ള ക്രമീകരണങ്ങൾ നടത്തിയിട്ടുണ്ട്.