അർദ്ധരാത്രിയിൽ നടുറോഡിൽ മാലിന്യം തള്ളിയ സോഫ്റ്റ്‌വെയർ എഞ്ചിനിയർക്ക് കടുത്ത പിഴ

സ്വന്തം ലേഖകൻ

തിരുവനന്തപുരം: തലസ്ഥാനത്ത് മ്യൂസിയം ആർകെവി റോഡിൽ രാത്രി മാലിന്യമിട്ട സോഫ്റ്റ് വെയർ എഞ്ചിനീയർക്ക് പിഴ വിധിച്ച് നഗരസഭ. ഇയാളിൽ നിന്ന് പിഴയായി 5500 രൂപയാണ് ഈടാക്കിയത്.

രാത്രി 12.30ഓടെ മാലിന്യവുമായി എത്തിയപ്പോഴാണ് നഗരസഭയുടെ സ്‌ക്വാഡ് ഇയാളെ പിടികൂടിയത്. റോഡിൽ സ്ഥിരമായി മാലിന്യം നിക്ഷേപിക്കുന്നുവെന്ന പരാതി ഉയർന്നതിനെ തുടർന്ന് നഗരസഭയുടെ
നേതൃത്വത്തിൽ ഇവിടെ ശുചീകരിച്ച് പൂന്തോട്ടം നട്ടുപിടിപ്പിച്ചിരുന്നു.

തുടർന്നും മാലിന്യം നിക്ഷേപിക്കുന്നത് പതിവായതോടെയാണ് രാത്രി പരിശോധന കർശനമാക്കിയത്.