വയനാട് :പൂക്കോട് വെറ്ററിനറി കോളജ് വിദ്യാര്ത്ഥി സിദ്ധാര്ത്ഥിന്റെ മരണവുമായി ബന്ധപ്പെട്ട് സര്വകലാശാല വിസി ഡോ. എം ആര് ശശീന്ദ്രനാഥിനെ സസ്പെന്ഡ് ചെയ്തുകൊണ്ട് ഗവര്ണര് അന്വേഷണത്തിന് ഉത്തരവിട്ടു.
എസ്എഫ്ഐയും പിഎഫ്ഐയും തമ്മില് ബന്ധമുണ്ടെന്ന് ആരോപിച്ച ഗവര്ണര് പൊലീസിന്റെ പ്രവര്ത്തനത്തില് കുറ്റം പറയുന്നില്ലെന്നും ഭരിക്കുന്ന പാര്ട്ടിയാണ് പൊലീസിനെ പ്രവര്ത്തിക്കാന് അനുവദിക്കാത്തതെന്നും വിമര്ശിച്ചു. സിദ്ധാര്ത്ഥന്റെ മരണത്തില് യൂണിവേഴ്സിറ്റി അധികൃതരുടെ ഭാഗത്ത് നിന്ന് വലിയ വീഴ്ചയുണ്ടായി. മൂന്ന് ദിവസം സംഭവം പുറത്തറിഞ്ഞില്ല എന്ന് പറയുന്നത് യൂണിവേഴ്സിറ്റിയുടെ പരാജയമാണെന്നും ചാന്സലര് കൂടിയായ ഗവര്ണര് ആരിഫ് മുഹമ്മദ് ഖാന് പറഞ്ഞു.
അതേസമയം സിപിഐഎം നേതാക്കള് പ്രതികളെ സംരക്ഷിക്കുകയാണെന്ന ആരോപണം സിദ്ധാര്ത്ഥന്റെ പിതാവ് ജയപ്രകാശ് ആവര്ത്തിച്ചു. പ്രതികളെ ഒളിക്കാന് സഹായിച്ച ബന്ധുക്കളും ഇതില് പ്രതിയാണ്. അവരെയും പ്രതി ചേര്ക്കണം. നേരിട്ട് കുറ്റകൃത്യത്തില് പങ്കാളിയല്ലെങ്കിലും പ്രതിയെ സഹായിക്കുന്നവരെ കുറ്റക്കാരായി കണക്കാക്കണമെന്ന് അദ്ദേഹം പറഞ്ഞു.
Whatsapp Group 1 | Whatsapp Group 2 |Telegram Group