ഷൊർണൂർ റെയിൽവേ സ്റ്റേഷനിൽ കഞ്ചാവ് വേട്ട: സീറ്റിനടിയിൽ രണ്ടു ബാഗുകളിലായി ഒളിപ്പിച്ച 18 കിലോ കഞ്ചാവ് പോലീസ് പിടികൂടി

പാലക്കാട്: ഷൊർണൂർ റെയിൽവേ സ്റ്റേഷനിൽ കഞ്ചാവ് വേട്ട. ട്രെയിനിൽ സീറ്റിനടിയിൽ ഒളിപ്പിച്ച നിലയിൽ 18 കിലോഗ്രാം കഞ്ചാവ് റെയിൽവേ പോലീസ് പിടികൂടി.

താംബരം-മംഗളൂരു എക്‌സ്പ്രസിൽ നിന്നാണ് കഞ്ചാവ് പിടിച്ചെടുത്തത്. രണ്ട് ബാഗുകളിലാക്കി ജനറൽ കമ്പാർട്ട്മെന്റിലെ സീറ്റിനടിയിലാണ് കഞ്ചാവ് ഒളിപ്പിച്ചിരുന്നത്.

കഴിഞ്ഞദിവസം 12 കിലോഗ്രാം കഞ്ചാവും ഷൊർണൂർ റെയിൽവേ സ്റ്റേഷനിൽനിന്ന് പിടികൂടിയിരുന്നു.