കോട്ടയം: പാലായില് ഇത്തവണ ജനങ്ങള് മാറി ചിന്തിക്കുമെന്ന് എൻ ഡി എ സ്ഥാനാർഥി ഷോണ് ജോർജ്.
വലിയ ആത്മവിശ്വാസമാണുള്ളത്. റോഡും പാലവും മാത്രമല്ല വികസനം എന്ന് പറയുന്നത്. പാലായില് നിന്ന് ഒരു തലമുറ തന്നെ പലായനം ചെയ്യുകയാണ്. ഈ നാട്ടില് ജനിച്ചു വളർന്ന ചെറുപ്പക്കാർക്ക് ഇവിടെ തന്നെ അധ്വാനിച്ച് ജീവിക്കാൻ സാധിക്കണം. അതിന് മോദിജിയുടെ സഹായം ആവശ്യമാണ് അതാണ് പാലാ ആഗ്രഹിക്കുന്നതെന്നും ഷോണ് ജോർജ് പ്രതികരിച്ചു. പാലാ മധ്യകേരളത്തിലെ ബിജെപിയ്ക്ക് ഏറ്റവും സാധ്യതയുള്ള മണ്ഡലങ്ങളില് ഒന്നാണ്. 25000ല് കുറയാത്ത ഭൂരിപക്ഷം ബിജെപിയ്ക്ക് പാലായില് നിന്ന് ലഭിക്കുമെന്നും ജനങ്ങളാണ് തന്റെ പ്രതീക്ഷയെന്നും ഷോണ് ജോർജ് വ്യക്തമാക്കി.
എല്ഡിഎഫിന്റെയും യുഡിഎഫിന്റെയും രാഷ്ട്രീയപോരാട്ടമല്ലാതെ പാലായില് ഒന്നും ഇതുവരെ നടന്നിട്ടില്ല. ആ രാഷ്ട്രീയത്തോടുള്ള പാലായിലെ ജനങ്ങളുടെ മടുപ്പാണ് ഈ തിരഞ്ഞെടുപ്പില് കാണാൻ പോകുന്നത് ഷോണ് ജോർജ് പറഞ്ഞു.
Whatsapp Group 1 | Whatsapp Group 2 |Telegram Group