നടൻ തിലകന്റെ മകൻ ഷാജി തിലകൻ  അന്തരിച്ചു

സ്വന്തം ലേഖകൻ

കൊച്ചി: അന്തരിച്ച നടൻ തിലകന്റെ മകനും സീരിയൽ താരവുമായിരുന്ന ഷാജി തിലകൻ (55) അന്തരിച്ചു.കരൾ സംബന്ധമായ അസുഖത്തെ തുടർന്ന് കൊച്ചി അമൃത ആശുപത്രയിൽ ചികിത്സയിലായിരുന്നു. ചാലക്കുടി എലിഞ്ഞപ്ര കടുങ്ങാടയായിരുന്നു താമസം. 1998-ൽ പുറത്തിറങ്ങിയ സാഗരചരിത്രം എന്ന ചിത്രത്തിലും ചില സീരിയലുകളിലും അഭിനയിച്ചിട്ടുണ്ട്. അപ്പോളോ ടയേഴ്‌സ് ജീവനക്കാരനായിരുന്നു. മാതാവ് ശാന്ത. നടൻ ഷമ്മി തിലകൻ, ഡബിംഗ് ആർട്ടിസ്റ്റും നടനുമായ ഷോബി തിലകൻ, സോണിയ തിലകൻ, ഷിബു തിലകൻ, സോഫിയ തിലകൻ എന്നിവർ സഹോദരങ്ങളാണ്.