ഷാരുഖ് ഖാൻ – അ‌റ്റ്ലി ചിത്രം ജവാൻ; റിലീസ് തീയതി പ്രഖ്യാപിച്ചു, ഗംഭീര ടീസറുമായി അ‌ണിയറ പ്രവർത്തകർ

സ്വന്തം ലേഖിക

ബോളിവുഡ് സൂപ്പർ താരം ഷാരൂഖ് ഖാനെ നായകനാക്കി തമിഴ് സൂപ്പർ സംവിധായകൻ ആറ്റ്‌ലി ഒരുക്കുന്ന ജവാന്റെ റിലീസ് തിയതി പ്രഖ്യാപിച്ചു. ചിത്രം അടുത്തവർഷം ജൂൺ രണ്ടിന് റിലീസ് ചെയ്യും. റിലീസ് തീയതി പ്രഖ്യാപിച്ചു കൊണ്ട് ഒരു ഗംഭീര ടീസറും അണിയറ പ്രവർത്തകർ പങ്കുവെച്ചു.

ഷാരൂഖ് ഖാൻ ഇരട്ടവേഷത്തിലെത്തുന്ന ചിത്രത്തിൽ നയൻതാരയാണ് നായിക. അന്വേഷണ ഉദ്യോഗസ്ഥയായാണ് ചിത്രത്തിൽ നയൻതാര എത്തുന്നത്.നയൻതാരയ്‌ക്കൊപ്പം നടി പ്രിയാ മണിയും പ്രധാന വേഷം ചെയ്യുന്നുണ്ട്. യോഗി ബാബു, സന്യ മൽഹോത്ര, സുനിൽ ഗ്രോവർ എന്നിവരും പ്രധാന വേഷങ്ങളിൽ എത്തുന്നു.

ചിത്രത്തിന്റെ അണിയറ പ്രവർത്തകരും സൗത്ത് ഇന്റസ്ട്രിയിൽ നിന്നുള്ളവരാണ്. ജികെ വിഷ്ണുവാണ് ചിത്രത്തിന്റെ ഛായാഗ്രാഹകൻ. അറ്റ്‌ലിയുടെ മെരസൽ, ബിഗിൽ എന്നീ ചിത്രങ്ങൾക്കും ക്യാമറ ചലിപ്പിച്ചത് വിഷ്ണുവാണ്. സാനിയ മൽഹോത്ര, സുനിൽ ഗ്രോവർ എന്നിവരും ചിത്രത്തിൽ കേന്ദ്ര കഥാപാത്രങ്ങളാണ്.

തന്റെ നിർമ്മാണ കമ്പനിയായ റെഡ് ചില്ലീസിന്റെ ബാനറിൽ ഷാരൂഖ് ഖാൻ തന്നെയാണ് ഈ ചിത്രം നിർമ്മിച്ചിരിക്കുന്നത്. പക്കാ മാസ്സ് മസാല ആക്ഷൻ ത്രില്ലറായാണ് ആറ്റ്‌ലി ഈ ചിത്രം ഒരുക്കിയിരിക്കുന്നതെന്നാണ് ടീസർ നൽകുന്ന സൂചന.