കോഴിക്കോട് : ഇനിയുള്ളത് നിയമപരമായുള്ള കാര്യങ്ങൾ,രാഹുൽ മാങ്കൂട്ടത്തിലിന് എതിരായ നടപടി പാർട്ടി തീരുമാനമെന്നും, ജാമ്യം കിട്ടിയാൽ തിരിച്ചെടുക്കുമോ എന്ന കാര്യം കെപിസിസി അധ്യക്ഷൻ പറയുമെന്നും ഷാഫി പറമ്പിൽ എം പി.
ഈ തെരഞ്ഞെടുപ്പിൽ ചർച്ചചെയ്യുന്നത് ശബരിമല സ്വർണ്ണക്കൊള്ള. ശബരിമല അയ്യപ്പന്റെ സ്വത്തിനുപോലും സുരക്ഷിതത്വമില്ലാത്ത ഒരു കെട്ടകാലം മുന്പെങ്ങും ഉണ്ടായിട്ടില്ല.
അയ്യന്റെ സ്വർണ്ണം കട്ടവർ ജയിലിൽ കിടക്കുമ്പോൾ സിപിഎം എന്ത് ന്യായീകരണം പറയും. സർക്കാർ സ്പോൺസേഡ് കൊള്ളയായിരുന്നു ശബരിമലയിൽ നടന്നത്. സിപിഐഎം അറിഞ്ഞുകൊണ്ടുള്ള കൊള്ളയാണ് ശബരിമലയിൽ നടന്നതെന്നും ഷാഫി ആവർത്തിച്ചു.
Whatsapp Group 1 | Whatsapp Group 2 |Telegram Group
ശബരിമല സ്വര്ണക്കൊള്ളയില് ജയിലിലായ സിപിഐഎം നേതാക്കളെ പാര്ട്ടിയും സംസ്ഥാന സര്ക്കാരും സംരക്ഷിക്കുന്നത് അവര് എന്തൊക്കെ പുറത്തുപറയുമെന്ന ഭയം കൊണ്ടാണെന്ന് ഷാഫി പറമ്പില് നേരത്തെയും വിമര്ശിച്ചിരുന്നു. സിപിഐഎം ജില്ലാകമ്മിറ്റി അംഗം ജയിലില് ആയിട്ടും ഒരു കാരണം കാണിക്കല് നോട്ടീസ് പോലും പാര്ട്ടി നല്കിയിട്ടില്ല.
ശബരിമലയിലെ സ്വര്ണം കാക്കാന് ഉത്തരവാദപ്പെട്ട ദേവസ്വം ബോര്ഡ് ആണ് ആ സ്വര്ണം കവര്ന്നതെന്നും ഷാഫി പറമ്പില് പറഞ്ഞു. സര്ക്കാര് സംവിധാനം മുഴുവന് കൊള്ളയ്ക്ക് കൂട്ടുനിന്നുവെന്നും ഷാഫി പറഞ്ഞിരുന്നു.
