കോട്ടയം എസ് എച്ച് മൗണ്ടിൽ യുവാവിനെ തൂങ്ങി മരിച്ച നിലയിൽ കണ്ടെത്തി

സ്വന്തം ലേഖകൻ

കോട്ടയം: കോട്ടയം എസ് എച്ച് മൗണ്ടിൽ യുവാവിനെ തൂങ്ങി മരിച്ച നിലയിൽ കണ്ടെത്തി.

എസ്.എച്ച് മൗണ്ട് അമ്പലമാലിയിൽ സതീഷ് (41) ആണ് മരിച്ചത്.

ബുധനാഴ്ച വൈകുന്നേരമായിരുന്നു സംഭവം.

സതീഷ് മുറിയിലേക്ക് കയറിപോയതിനുശേഷം കുറേനേരമായിട്ടും കാണാത്തതിനെത്തുടർന്ന് നോക്കിയപ്പോഴാണ് മുറിയിൽ തൂങ്ങി മരിച്ച നിലയിൽ കണ്ടെത്തിയത്.

ഉടൻ തന്നെ ജില്ലാ ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ ഗാന്ധിനഗർ പൊലീസ് കേസെടുത്തു.