പ്രകടനമായി എത്തി പൂട്ട് തകർത്ത് അകത്ത് കയറി; തിരുവല്ല കോൺഗ്രസ് ബ്ലോക്ക് കമ്മിറ്റി ഓഫീസ് എസ്എഫ്ഐ പ്രവർത്തകർ അടിച്ചുതകർത്തു

സ്വന്തം ലേഖകൻ

തിരുവല്ല: തിരുവല്ല കോൺഗ്രസ് ബ്ലോക്ക് കമ്മിറ്റി ഓഫീസ് എസ്എഫ്ഐ പ്രവർത്തകർ അടിച്ചുതകർത്തു. പ്രകടനമായി എത്തിയ സംഘം പൂട്ട് തകർത്ത് അകത്ത് കയറുകയായിരുന്നു.

ഗാന്ധി ചിത്രമടക്കം ഓഫീസിലുണ്ടായിരുന്ന കസേരകളും ഉപകരണങ്ങളും എസ്എഫ്ഐ പ്രവർത്തകർ തകർക്കുകയായിരുന്നു.

സമീപത്തെ കോളേജുകളിലെ എസ്എഫ്ഐ യൂണിറ്റിന്റെ നേതൃത്വത്തിലായിരുന്നു പ്രകടനവും ആക്രമണവും എന്ന ആരോപണമുണ്ട്. പോലീസിൻറെ സാന്നിധ്യത്തിലായിരുന്നു ആക്രമണം എന്നും വേണ്ട മുൻകരുതലുകൾ എടുത്തില്ലെന്നും കോൺഗ്രസ് നേതാക്കൾ ആരോപിച്ചു.