കൈത്താങ്ങായി എസ് എഫ് ഐ

സ്വന്തം ലേഖകൻ

പുതുപ്പള്ളി: കൊക്കയാർ പഞ്ചായത്തിലെ ഉരുൾപൊട്ടൽ ബാധിച്ച ഉറുമ്പിക്കര പ്രാദേശത്തെ ആറുപത്
വീടുകളിൽ എസ്.എഫ്.ഐ ആർ.ഐ.ടി യൂണിറ്റിന്റെ നേതൃത്വത്തിൽ ഭക്ഷ്യകിറ്റുകൾ വിതരണം ചെയ്തു.

അതിനോടൊപ്പം തന്നെ മാതൃകം എസ്.എഫ്.ഐ ആർ.ഐ.ടി യുടെ നേതൃത്വത്തിൽ പ്രാദേശത്തെ സ്ത്രീകൾക്ക് സാനിറ്ററി നാപ്കിനുകളും വിതരണം ചെയ്തു.

കഴിഞ്ഞ ദിവസങ്ങളിലായി പാമ്പാടി ഗവ:ആർ.ഐ.ടി കോളേജിലെ വിദ്യാർത്ഥികളിൽ നിന്നും അധ്യാപകരിൽ നിന്നും ശേഖരിച്ച സഹായങ്ങൾ സ്വരുക്കൂട്ടിയാണ് പാഥേയം എന്ന് പേരിട്ട് എസ് എഫ് ഐ ഈ ഉദ്യമത്തിനു തുടക്കം കുറിച്ചത്.

ഞായറാഴ്ച നടത്തിയ ഭക്ഷ്യക്കിറ്റ് വിതരണ പരിപാടിയെ ഉറുമ്പിക്കര സി.പി.ഐ(എം) ലോക്കൽ സെക്രട്ടറി സദാശിവൻ അഭിവാദ്യം അർപ്പിച്ചു.

എസ് എഫ് ഐ കോട്ടയം ജില്ലാ കമ്മറ്റി അംഗം അതുൽ കൃഷ്ണ, ആർ ഐ ടി യൂണിറ്റ് പ്രസിഡന്റ്‌ വൈഷ്ണവ് പി കെ, മാതൃകം ആർ ഐ ടി യൂണിറ്റ് കൺവീനർ അഞ്ജന പി എന്നിവർ നേതൃത്വം നൽകി.