14 വയസ്സുള്ള ആൺകുട്ടിയോട് ലൈംഗിക അതിക്രമം ; കേസിൽ എരുമേലി സ്വദേശിയായ പ്രതിയ്ക്ക് 4 വർഷം കഠിന തടവും 10,000/- രൂപ പിഴയും ശിക്ഷ വിധിച്ച് ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതി

കോട്ടയം : പ്രായപൂർത്തിയാകാത്ത 14 വയസ്സുള്ള ആൺകുട്ടിയോട് ലൈംഗിക അതിക്രമം കാണിച്ച കേസിലെ പ്രതിയ്ക്ക് കഠിനതടവും പിഴയും. എരുമേലിയിൽ വെള്ളൂപ്പറമ്പിൽ വീട്ടിൽ ഷെഹീർ(41) എന്നയാളെ 4 വർഷം കഠിന തടവിനും,10,000/- രൂപ പിഴ അടയ്ക്കാനും ശിക്ഷിച്ച് ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതി. ജഡ്ജ് റോഷൻ തോമസാണ് ശിക്ഷ വിധിച്ചത്.

പ്രതി പിഴ അടച്ചാൽ 7500/- രൂപ ആൺകുട്ടിക്ക് നൽകുന്നതിനും ഉത്തരവായിട്ടുണ്ട്..,പോക്സോ നിയമത്തിലെ വിവിധ വകുപ്പുകൾ പ്രകാരമാണ് ശിക്ഷ വിധിച്ചത് 10/6/24 ൽ ആയിരുന്നുകേസിന് ആസ്പദമായ സംഭവം നടന്നത്.

കാഞ്ഞിരപ്പള്ളി പോലീസ് സ്റ്റേഷൻ എസ് ഐ യായിരുന്ന സക്കീർ ഹുസൈൻ എഫ്ഐആർ രജിസ്റ്റർ ചെയ്തു. പ്രതിയെ അറസ്റ്റ് ചെയ്ത കേസിൽ കാഞ്ഞിരപ്പള്ളി എസ് ഐ ശാന്തി.കെ ബാബു തുടരന്വേഷണം പൂർത്തിയാക്കി.

പ്രതിയുടെ പേരിൽ കുറ്റപത്രം തയ്യാറാക്കി കോടതിയിൽ സമർപ്പിച്ചു. പ്രോസിക്യൂഷൻ ഭാഗത്തുനിന്നും 17 സാക്ഷികളെയും 13 പ്രമാണങ്ങളും ഹാജരാക്കിയ കേസിൽ പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യുട്ടർ അഡ്വ .ജോസ് മാത്യു തയ്യിൽ ഹാജരായി.