പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഇരുപത്തിരണ്ടുകാരൻ; വിവരമറിഞ്ഞ അമ്മ മകന് കൂട്ടുനിന്നു; ഇരുവരെയും അറസ്റ്റ് ചെയ്ത് പൊലീസ്

സ്വന്തം ലേഖിക

അഞ്ചല്‍: പെണ്‍കുട്ടിയെ തട്ടിക്കൊണ്ടുപോയി പീഡിപ്പിക്കാൻ അമ്മ മകന് കൂട്ടുനിന്ന കേസിൽ ഇരുവരെയും അറസ്റ്റ് ചെയ്ത് പൊലീസ്.

വിളക്കുപാറ തോട്ടിന്‍കര പുത്തന്‍വീട്ടില്‍ പ്രസാദ് (ഉണ്ണി-22), അമ്മ സിംല (44) എന്നിവരെയാണ് ഏരൂര്‍ പോലീസ് അറസ്റ്റ് ചെയ്തത്. പ്രായപൂര്‍ത്തിയാകാത്ത പെണ്‍കുട്ടിയെയാണ് ഇരുപത്തിരണ്ടുകാരനായ യുവാവ് പീഡിപ്പിച്ചത്.

പ്രതിയായ ഉണ്ണി പെണ്‍കുട്ടിയുമായി അടുപ്പത്തിലായിരുന്നു. ഇതിനെ തുടര്‍ന്ന് വീട്ടിലെത്തിച്ച്‌ പെണ്‍കുട്ടിയെ പീഡിപ്പിക്കുകയായിരുന്നു.

സംഭവം അറിഞ്ഞിട്ടും പൊലീസില്‍ വിവരമറിയിക്കാതെ കുറ്റകൃത്യത്തിന് കൂട്ടുനിന്നതിനാണ് അമ്മ സിംലയ്‌ക്കെതിരെ കേസെടുത്തത്.

പെണ്‍കുട്ടിയുടെ മാതാപിതാക്കൾ നല്‍കി പരാതിയിലാണ് അമ്മയെയും മകനെയും അറസ്റ്റ് ചെയ്തത്.