സെർബിയ ഓപ്പൺ ചെസ്: നിഹാൽ സരിൻ ജേതാവ്‌

സ്വന്തം ലേഖകൻ

ന്യൂഡൽഹി : മലയാളി ചെസ് താരം നിഹാൽ സരിൻ സെർബിയ ഓപ്പൺ ജേതാവായി. തൃശൂർ സ്വദേശിയായ നിഹാലിന്റെ തുടർച്ചയായ രണ്ടാം കിരീടമാണിത്. സിൽവർ ലേക്ക് ഓപ്പണിൽ ജേതാവായതിനു പിന്നാലെയാണു പതിനാറുകാരനായ നിഹാൽ സെർബിയയിലും മുമ്പനായത്.

ലൈവ് ചെസ് റേറ്റിങ്സിൽ ആദ്യ 100 ൽ കടക്കാനും നിഹാലിനായി.

റഷ്യയുടെ ഗ്രാൻമാസ്റ്റർ വ്ളാഡിമർ ഫെഡോസീവിനെ സമനിലയിൽ കുരുക്കിയതോടെ നിഹാൽ കിരീടം ഉറപ്പിച്ചു.

280 താരങ്ങൾ പങ്കെടുത്ത സെർബിൻ ഓപ്പണിൽ ഒൻപത് റൗണ്ടുകളായിരുന്നു.ആറു മത്സരങ്ങൾ ജയിച്ച താരം മൂന്നു മത്സരങ്ങൾ സമനിലയാക്കി.

2018 ലാണ്‌ നിഹാൽ സരിൻ ഗ്രാൻമാസ്റ്ററാകുന്നത്. റഷ്യയിലെ സോചിയിൽ നടക്കുന്ന ഫിഡെ ലോകകപ്പാണ് നിഹാലിന്റെ അടുത്ത ലക്ഷ്യം.