സ്കൂട്ടർ നിയന്ത്രണം വിട്ട് മറിഞ്ഞ് തലക്ക് ഗുരുതരമായി പരുക്കേറ്റ യുവാവ് മരിച്ചു

സ്വന്തം ലേഖകൻ

ഉഴവൂർ: സ്കൂട്ടർ അപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു.
താഴത്തുകണ്ടത്തിൽ തോമസ് അലക്സ്‌ (43) ആണ് മരിച്ചത്.

ഞായർ രാത്രി 9 മണിയോട് കൂടി യഹോവ സാക്ഷികളുടെ രാജ്യഹാളിന് സമീപത്തായിരുന്നു അപകടം. അരീക്കര പള്ളിയിലെ തിരുനാളിനോട് അനുബന്ധിച്ച് മെഗാ ഷോ കാണാൻ പോയതായിരുന്നു.

ഉടൻ തന്നെ മോനിപ്പള്ളിയിലെ സ്വകാര്യ ആശുപത്രിയിലും പിന്നീട് പാലായിലെ സ്വകാര്യ ആശുപത്രിയിലും പ്രവേശിപ്പിച്ചു.

തലക്ക് ഗുരുതരമായ പരുക്കേറ്റിരുന്നു. ചൊവ്വ രാവിലെയാണ് മരണം സംഭവിച്ചത്. സംസ്കാരം പിന്നീട്.