സ്കൂൾ വിദ്യാർത്ഥിനിയെ പുറകെ നടന്നും ഫോണിൽ വിളിച്ചും നിരന്തരം ശല്യം ചെയ്തു; പോക്സോ കേസിൽ വേളൂർ സ്വദേശി അറസ്റ്റിൽ

സ്വന്തം ലേഖിക

കോട്ടയം: പോക്സോ കേസിൽ യുവാവിനെ പോലീസ്‌ അറസ്റ്റ് ചെയ്തു.

വേളൂർ കാരാപ്പുഴ പടിഞ്ഞാറേതറ വീട്ടിൽ നിതിൻ സുരേഷ്(20) നെയാണ് ചിങ്ങവനം പോലീസ് അറസ്റ്റ് ചെയ്തത്.

ഇയാൾ പെൺകുട്ടി സ്കൂളിലേക്ക് പോകുന്ന വഴി പുറകെ നടന്ന് ശല്യപ്പെടുത്തുകയും, ഫോണിൽ നിരന്തരം മെസ്സേജ് അയച്ചും, വിളിച്ചും ശല്യപ്പെടുത്തുകയുമായിരുന്നു.

പരാതിയെ തുടർന്ന് ചിങ്ങവനം പോലീസ് കേസ് രജിസ്റ്റർ ചെയ്യുകയും, എസ്.എച്ച്. ഓ ജിജു ടി ആർ-ന്റെ നേതൃത്വത്തിൽ ഇയാളെ അറസ്റ്റ് ചെയ്യുകയുമായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.