സ്കൂൾ ഹെഡ്മിസ്ട്രസ് തൂങ്ങി മരിച്ച നിലയിൽ.വൈക്കം പോളശ്ശേരി ഗവൺമെന്റ് എൽ പി എസ്സിലെ പ്രധാനാധ്യാപിക ശ്രീജയെയാണ് തൂങ്ങി മരിച്ച നിലയിൽ കണ്ടെത്തിയത്.

വെള്ളിയാഴ്ച വൈകിട്ടാണ് സംഭവം.വൈക്കം പോളശ്ശേരി ഗവൺമെന്റ് എൽ പി എസ് സ്കൂൾ ഹെഡ് മിസ്ട്രെസ്സും കൊച്ചുകവല മാളിയേക്കൽ രമേശ് കുമാറിന്റെ ഭാര്യയുമായ ശ്രീജയാണ് വീടിനുള്ളിൽ തൂങ്ങി മരിച്ചത്.48 വയസ്സായിരുന്നു.വീടിനുള്ളിൽ തൂങ്ങി നിൽക്കുന്ന നിലയിൽ ശ്രീജയെ കണ്ടെത്തിയ ബന്ധുക്കൾ ഉടൻ തന്നെ വൈക്കം താലൂക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ശ്രീജയുടെ ഭർത്താവ് രമേശ് കുമാർ വൈക്കം കോടതിയിലെ ജീവനക്കാരനാണ്.ഒരു മകനുണ്ട്.വൈക്കം പോലീസ് മേൽനടപടികൾ സ്വീകരിച്ച് അന്വേഷണം ആരംഭിച്ചു.നിലവിൽ അസ്വാഭാവിക മരണത്തിനാണ് കേസ് എടുത്തിട്ടുള്ളത് .ശനിയാഴ്ച പോസ്റ്റ് മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുക്കും.