ഡൽഹി: ബാങ്കിംഗ് മേഖലയില് കരിയർ ലക്ഷ്യമിടുന്നവർക്ക് ഇതാ ഒരു സുവർണാവസരം. സ്റ്റേറ്റ് ബാങ്ക് ഓഫ് ഇന്ത്യ (SBI) സർക്കിള് ബേസ്ഡ് ഓഫീസർ (CBO) തസ്തികയിലേക്ക് അപേക്ഷ ക്ഷണിച്ചു.
ആകെ 2,964 ഒഴിവുകളാണുള്ളത്. ഇതില് 2,600 നിലവിലെ ഒഴിവുകളും 364 ബാക്ക്ലോഗ് ഒഴിവുകളുമാണ്. അപേക്ഷിക്കാനുള്ള അവസാന തീയതി: 2025 മെയ് 29 ആണ്.
അമരാവതി, ബെംഗളൂരു, അഹമ്മദാബാദ്, ഭോപ്പാല്, ചെന്നൈ, ഹൈദരാബാദ്, ജയ്പൂർ, ഭുവനേശ്വർ, ചണ്ഡിഗഢ്, ലഖ്നൗ, കൊല്ക്കത്ത, മുംബൈ, ന്യൂഡല്ഹി, പാറ്റ്ന, തിരുവനന്തപുരം എന്നീ സർക്കിളുകളിലാണ് ഒഴിവുകള് ലഭ്യമായിരിക്കുന്നത്. തിരഞ്ഞെടുക്കപ്പെട്ട ഉദ്യോഗാർത്ഥികള് അവരുടെ സർക്കിളിനുള്ളിലെ ശാഖകളില് പ്രവർത്തിക്കേണ്ടിവരും.
Whatsapp Group 1 | Whatsapp Group 2 |Telegram Group
യോഗ്യത
ഏതെങ്കിലും സ്ട്രീമില് ബിരുദം (ഗ്രാജുവേഷൻ) അല്ലെങ്കില് തത്തുല്യ യോഗ്യത. മെഡിക്കല്, എൻജിനീയറിംഗ്, CA, CMA തുടങ്ങിയ പ്രൊഫഷണല് യോഗ്യത ഉള്ളവർക്കും അപേക്ഷിക്കാവുന്നതാണ്.
പ്രവൃത്തിപരിചയം
ഷെഡ്യൂള്ഡ് കൊമേഴ്ഷ്യല് ബാങ്ക് / റീജണല് റൂറല് ബാങ്കില് ഓഫീസർ ലെവലില് 2 വർഷത്തെ പരിചയം (2025 ഏപ്രില് 30 വരെ).
പ്രായപരിധി
ജനറല് വിഭാഗം: 21-30 വയസ്സ് (1995 മെയ് 1 മുതല് 2004 ഏപ്രില് 30 വരെ ജനിച്ചവർ).
SC/ST: 5 വർഷം ഇളവ് | OBC: 3 വർഷം ഇളവ് | PwBD: 10-15 വർഷം ഇളവ്.
ശമ്പളം
അടിസ്ഥാന ശമ്പളം: ₹48,480 (JMGS-I ഗ്രേഡ്).
ശമ്ബള സ്കെയില്: ₹48,480 – ₹85,920 (DA, HRA, CCA തുടങ്ങിയ അലവൻസുകള് ഉള്പ്പെടെ).
എക്സ്പീരിയൻസ് ഇൻക്രിമെന്റ്: 2ലധികം വർഷത്തെ പരിചയമുള്ളവർക്ക് അധിക പ്രതിഫലം ലഭിക്കും.
തെരഞ്ഞെടുപ്പ്
രണ്ട് ഘട്ടത്തിലുള്ള എഴുത്തു പരീക്ഷയാണ് ആദ്യ ഘട്ടം 2 മണിക്കൂർ ദൈർഘ്യമുള്ള 120 മാർക്കിന്റെ ഒബ്ജക്റ്റിവ് പരീക്ഷ. ഇംഗ്ലീഷ്, ബാങ്കിംഗ് അവെയർനെസ്, ജനറല് അവെയർനെസ്, കമ്പ്യൂട്ടർ ആപ്റ്റിറ്റ്യൂഡ് എന്നിവയാണ് പരീക്ഷയിലെ പ്രധാന വിഷയങ്ങള്.
രണ്ടാം ഘട്ടം 30 മിനിറ്റ് ദൈർഘ്യമുള്ള 50 മാർക്കിന്റെ ഡിസ്ക്രിപ്റ്റീവ് പരീക്ഷ. ഇംഗ്ലീഷ് ലെറ്റർ/റിപ്പോർട്ട് റൈറ്റിംഗ് എന്നിവയിലുള്ള പരിജ്ഞാനമാണ് പരീക്ഷയിലെ പ്രധാന വിഷയം.
പിന്നീട് 50 മാർക്കിന്റെ ഇന്റർവ്യൂ നടത്തും. ശേഷം പരീക്ഷയിലെയും അഭിമുഖത്തിലെയും മാർക്കിന്റെ അടിസ്ഥാനത്തില് തിരഞ്ഞെടുത്ത ഉദ്യോഗാർത്ഥികളുടെ പട്ടിക പ്രസിദ്ധീകരിക്കും.
അപേക്ഷാ ഫീസ്
ജനറല്/OBC/EWS വിഭാഗങ്ങള്ക്ക് 750 രൂപയാണ് അപേക്ഷാ ഫീസ്. അതേസമയം, SC/ST/PwBD വിഭാഗങ്ങള്ക്ക് ഫീസ് ഇല്ല
കൂടുതല് വിവരങ്ങള്ക്ക് SBIയുടെ ഔദ്യോഗിക വെബ്സൈറ്റ് സന്ദർശിക്കുക. https://www.sbi.co.in
