തിരുവനന്തപുരം: കേരള സ്റ്റോറി 2 എന്ന ചിത്രത്തിനെതിരെ രാഹുല് ഈശ്വർ. ഒരുകള്ളം 100 തവണ പറഞ്ഞാല് സത്യമാകുമെന്ന ഹിറ്റ്ലറുടെ തന്ത്രമാണ് സിനിമയില് ഉപയോഗിച്ചിരിക്കുന്നതെന്ന് രാഹുല് പറയുന്നു.
ഹിന്ദുക്കളെ പറ്റിക്കാനും, മുസ്ലിം സഹോദരങ്ങളെ ദ്രോഹിക്കാനുമുള്ള പ്രൊപ്പഗെണ്ടയാണ് കേരളം സ്റ്റോറി 2 എന്നും രാഹുല് ഈശ്വർ പറയുന്നു.
രാഹുല് ഈശ്വറിന്റെ പോസ്റ്റ്
Whatsapp Group 1 | Whatsapp Group 2 |Telegram Group
“ഹിന്ദു പെണ്ണിനെ നിർബന്ധിപ്പിച്ച് ബീഫ് കഴിപ്പിക്കുന്ന മുസ്ലിങ്ങള്” – ഞാൻ ബീഫ് കഴിക്കാറില്ല, ബീഫ് വേറെ ആരെങ്കിലും കഴിക്കുന്നതിനു ഒരു പ്രശ്നവുമില്ല. ബീഫ് കഴിക്കുന്നവരാണ് ഗോവ, നോർത്ത് ഈസ്റ്റില് അടക്കം ഭരിക്കുന്ന എല്ലാ രാഷ്ട്രീയക്കാരും. kerala story 2 ഉളുപ്പും നാണവും മാനവും സത്യസന്ധതയും ഇല്ലാത്ത ഗോഡ്സേവാദികള്. ഒരു കള്ളം 100 തവണ പറഞ്ഞാല് സത്യമാകുമെന്ന ഹിറ്റ്ലറുടെ തന്ത്രം പ്രയോഗിക്കുന്ന ആധുനിക അർബൻ നാസികള്. നമ്മള് നല്ലവരായ ഹിന്ദുക്കളെ പറ്റിക്കാനും, നമ്മുടെ മുസ്ലിം സഹോദരങ്ങളെ ദ്രോഹിക്കാനും, Cheap & Vulgar Propaganda യുമായി കേരളം സ്റ്റോറി 2.. ഇന്ത്യയുടെ രാഷ്ട്രപിതാവായ മഹാത്മാ ഗാന്ധിയെ കൊന്ന ഗോഡ്സേവാദികളുടെ മനസ്സാണ് അതിനു പിന്നില്. രാജ്യദ്രോഹമാണ്, വിദ്വേഷ രാഷ്ട്രീയമാണ്, അധമവും അപലപനീയവുമാണത്. കേരളം, ഭാരതം അഭിമാനം”.
ഏതാനും ദിവസം മുൻപ് റിലീസ് ചെയ്ത കേരള സ്റ്റോറി 2ന്റെ ട്രെയിലർ ആണ് ഇപ്പോള് വിവാദങ്ങള്ക്ക് വഴിവച്ചിരിക്കുന്നത്. കേരളത്തിനെതിരെ വിദ്വേഷം വിതയ്ക്കാനും സംസ്ഥാനത്തിന്റെ മതനിരപേക്ഷ പാരമ്പര്യത്തെ അവഹേളിക്കാനും ലക്ഷ്യമിട്ടുള്ള ശ്രമമാണിതെന്നാണ് മുഖ്യമന്ത്രി പിണറായി വിജയൻ കഴിഞ്ഞ ദിവസം പറഞ്ഞത്. അതേസമയം, രാജ്യത്ത് നിലനില്ക്കുന്ന സാഹചര്യമാണ് ചിത്രത്തില് പറഞ്ഞിരിക്കുന്നതെന്നാണ് സംവിധായകൻ കാമാഖ്യ നാരായണ് സിംഗ് പറഞ്ഞത്.
