സർവകലാശാല മേഖലയിലെ പ്രതിസന്ധി: രണ്ടായിരം ഫയലുകൾ തീർപ്പാകാതെ കെട്ടി കിടക്കുന്നു: മുഖ്യമന്ത്രി ഇടപെടണമെന്ന് കെ.സി.ജോസഫ്

കോട്ടയം: കേരളത്തിലെ ഉന്നത വിദ്യാഭ്യാസ മേഖല നേരിടുന്ന അതീവ ഗുരുതരമായ പ്രതിസന്ധി പരിഹരിക്കാൻ ഇടപെടണമെന്ന് മുഖ്യമന്ത്രി പിണറായി വിജയന് അയച്ച

കത്തില്‍ മുൻമന്ത്രിയും കെ പി സി സി രാഷ്ട്രീയ കാര്യസമിതി അംഗവുമായ കെ സി ജോസഫ് ആവശ്യപ്പെട്ടു.

പത്ത് യൂണിവേഴ്സിറ്റികളിലും നാഥനില്ലാത്ത അവസ്ഥയാണ്.
ഇപ്പോള്‍ ഭാരതാംബ വിവാദത്തെ ചൊല്ലി കേരള യൂണിവേഴ്സിറ്റിയില്‍ ഉണ്ടായിരിക്കുന്ന

വി സി – രജിസ്ട്രാർ തർക്കം മൂലം രണ്ടായിരത്തോളം ഫയലുകള്‍ യൂണിവേഴ്സിറ്റിയില്‍ തീരുമാനമെടുക്കാതെ കെട്ടിക്കിടക്കുകയാണ്. ദുരഭിമാനത്തിന്റെ പേരില്‍ ഇനിയും

ഗവർണരും ഗവണ്‍മെന്റും രണ്ടു തട്ടില്‍ പോകാനാണ് തീരുമാനമെങ്കില്‍ പ്രതിസന്ധി പരിഹരിക്കുവാൻ ഒരാളില്ലാത്ത അവസ്ഥ ഉണ്ടാകും.