ഒൻപത് മാസവും പത്ത് ദിവസവും സ്ത്രീകൾ  കുഞ്ഞിനെ വയറ്റിൽ ചുമക്കുന്നു ; അച്ഛൻ ജനനത്തിന്റെ ഫുൾ ക്രെഡിറ്രും അടിച്ചുമാറ്റി കുട്ടിയുടെ പേരിനൊപ്പം തന്റെ പേര് ചേർക്കുന്നു : സമൂഹ മാധ്യമങ്ങളിൽ വൈറലായി സന്തോഷ് പണ്ഡിറ്റിന്റെ ഫെമിനിസ്റ്റ് നിരീക്ഷണം

സ്വന്തം ലേഖകൻ

തിരുവനന്തപുരം : കഴിഞ്ഞ കുറച്ച് ദിവസങ്ങളായി ഫെമിനിസ്റ്റുകളെ അനുകൂലിച്ചും പ്രതികൂലിച്ചുമുള്ള നിരവധി വാദപ്രതിവാദങ്ങൾക്ക് സമൂഹ മാധ്യമങ്ങൾ സാക്ഷിയാവുകയാണ്.

ഇപ്പോഴിതാ ഫെമിനിസ്റ്റ് നിരീക്ഷണവുമായി ബന്ധപ്പെട്ട് സന്തോഷ് പണ്ഡിറ്റ് ഫേയ്സ്ബുക്കിൽ പങ്കുവച്ച കുറിപ്പും ശ്രദ്ധേയമാവുകയാണ്. ഒരു സ്ത്രീയായ മുഖ്യമന്ത്രി പോലും ഇല്ലാത്ത, ഇന്ത്യയിൽ ഏറ്റവും കൂടുതൽ സ്ത്രീ വിരുദ്ധത നില നിൽക്കുന്ന സംസ്ഥാനം കേരളമല്ലേയെന്ന് കുറിപ്പിലെ സന്തോഷ് പണ്ഡിറ്റ് ചോദിക്കുന്നു.

സന്തോഷ് പണ്ഡിറ്റിന്റെ ഫെയ്സ്ബുക്ക് കുറിപ്പിന്റെ പൂർണരൂപം

പണ്ഡിറ്റിന്‌ടെ ‘ഫെമിനിസ്റ്റ്’ നിരീക്ഷണം

ഒരു സ്ത്രീയും പുരുഷനും തമ്മിലുള്ള ഏക വ്യത്യാസം ഒരു സ്ത്രീക്ക് പ്രസവിക്കുവാനുള്ള കഴിവുണ്ട്. പുരുഷന് അങ്ങനെ ഒരു കഴിവ് ഇല്ല എന്നതാണ്. സ്ത്രീകള് പ്രതികരിക്കേണ്ട ചില വിഷയങ്ങൾ.

1) കേരളത്തില് ഇതുവരെ ഒരു സ്ത്രീയായ മുഖ്യമന്ത്രിയും ഉണ്ടായിട്ടിട്ടില്ല. കാരണം കേരളം ഭരിച്ച രാഷ്ട്രീയ പാർട്ടികൾ സ്ത്രീകളെ അടിമകളായാണ് കരുതുന്നത്. പല രാഷ്ട്രീയക്കാരും കടുത്ത സ്ത്രീ വിരുദ്ധരും അകാം. എല്ലാവരും പ്രസവം, അടുക്കള പണിക്കും മാത്രമേ സ്ത്രീകളെ കൊള്ളാവൂ എന്ന് ചിന്തിക്കുന്നു. ഇതിനെതിരേയും സ്ത്രീകൾ പ്രതികരിക്കണം. (ഉത്തർപ്രദേശ്, തമിഴ് നാട്, പശ്ചിമ ബംഗാൾ വരെ എത്രയോ സ്ത്രീകളായ മുഖ്യമന്ത്രിമാർ ഉണ്ടായ്. കാരണം അവിടെ സ്ത്രീ നവോദ്ധാനം ‘തള്ളുവാൻ’ ഉപയോഗിക്കുന്ന വാക്കല്ല. ) കേരളത്തിൽ് നിയമസഭ, പാർമെന്റ് ഇലക്ഷന് ‘പേരിന്’ കുറച്ച് വനിതകളെ മാത്രമെ സ്ഥാനാർത്ഥിയാക്കു.

2) കേരളത്തിൽ ഒരു കുഞ്ഞ് ജനിച്ചാൽ അച്ഛന്റെ പേർ കൂടി മക്കളുടെ പേരിനോടൊപ്പം ചേർക്കുന്നു. യഥാർത്ഥത്തിൽ ഒരു കുഞ്ഞിന്റെ ജനനത്തിനായ് ഒരു അച്ഛൻ വെറും 2 മിനിറ്റേ കഷ്ടപ്പെടുന്നുള്ളു. അമ്മയാകട്ടെ 9 മാസവും 10 ദിവസവും കുഞ്ഞിനെ വയറ്റില് ഇടുന്നു. ജനിച്ചാലും 2 വയസ്സ് വരെ മുലപ്പാൽ നൽകുന്നു. എന്തിന് മിനിമം 3 മാസം എങ്കിലും പ്രസവ ശുശ്രൂഷ ചെയ്യുന്നു. എന്നാലോ വെറും 2 മിനിറ്റ് മാത്രം കഷ്ടപ്പെട്ട അച്ഛൻ ജനനത്തിന്റെ ഫുൾ ക്രെഡിറ്റ്‌ അടിച്ച് മാറ്റി’ കുട്ടിയുടെ പേരിനൊപ്പം തന്റെ പേർ ചേർക്കുന്നു. ഇത് ശരിയാണോ ? സ്ത്രീകൾ പ്രതികരിക്കുക.

3) മിമിക്രിക്കാർ ചെയ്യുന്ന ഭൂരിഭാഗം സെശ േലും സ്ത്രീ വിരുദ്ധതയാണ് തമാശക്കായ് ഉപയോഗിക്കുന്നത്. എത്രയോ സിനിമകളിൽ ഡബിൾ മീനിങ് ഉള്ള ഡയലോഗ്സ് വരുന്നു. സ്ത്രീകളെ അധിക്ഷേപിക്കുന്നതും, സ്ത്രീ വിരുദ്ധ പരാമർശങ്ങളും ആണ് ഹീറോയിസം എന്ന് പ്രമുഖ നടന്മാരുടെ സിനിമകളിൽ വരെ കാണിക്കുന്നു. ഇതിന് എതിരേയും സ്ത്രീകള് പ്രതിഷേധിക്കണം.

4) വിവാഹ പ്രായം സ്ത്രീകൾക്ക് 18 ഉം, പുരുഷന് 21 ഉം ആണ്. ഇതും സ്ത്രീ വിരുദ്ധത ആണ്. ഇരുവർക്കും 21 ആക്കണം. ചെറുപ്പത്തിലേ കല്ല്യാണം കഴിച്ച് ഒരു കുടുംബത്തിന്റെ മൊത്തം ബാദ്ധ്യത ഒരു സ്ത്രീ എന്തിന് ഏറ്റെടുക്കണം ?

5) ഒരു സ്ത്രീ ഒരു തവണ മാത്രമേ പ്രസവിക്കൂ എന്ന നട്ടെല്ലുള്ള തീരുമാനം ഓരോ സ്ത്രീകളും എടുക്കണം. എന്തിനാണ് ഇങ്ങനെ പ്രസവിച്ച് കൂട്ടുന്നത് ? By Chance, പ്രസവത്തില് നിങ്ങള് മരിച്ചാൽ ഭർത്താവ് മറ്റൊരു യുവതിയെ കെട്ടും. (നിങ്ങള് മരിച്ചത് നന്നായി എന്ന് മനസ്സിലും പറഞ്ഞേക്കാം). നഷ്ടം നിങ്ങൾക്ക് മാത്രം. ഉണരൂ സ്ത്രീകളെ ഉണരൂ.

6) ഭൂരിഭാഗം സിനിമാ പോസ്റ്ററിലെല്ലാം നായകന്‌ടെ ഫോട്ടോയെ ഉള്ളു. സ്ത്രീകളെ അടിമകളായ് കണക്കാക്കുന്ന ‘ഞങ്ങള് വലിയ കലാകാരന്മാരാണ്’ എന്ന് സ്വയം കരുതുന്നവർ എന്തുകൊണ്ടാണ് നായികയുടെ ഫോട്ടോ പോസ്റ്ററിൽ കൊടുക്കാത്തത് ? ഭൂരിഭാഗം സിനിമകളിലും നായികക്ക് ഒരു പ്രാധാന്യവും കൊടുക്കുന്നില്ല. സ്ത്രീകൾ പ്രതികരിക്കുക.

7) കേരളത്തിലെ ചാനൽ ച4ച്ചകളിൽ അതിഥികളായി ഭൂരിഭാഗവും പുരുഷന്മാരെ ആണ് വിളിക്കുന്നത്. എന്തുകൊണ്ട് ? പല ചാനലുകാരും സ്ത്രീകളെ ഇഷ്ടപ്പെടുന്നില്ല. പുരുഷന്റെ നിലപാട് സ്ത്രീകളിൽ അടിച്ചേല്പിക്കുന്ന തികഞ്ഞ സ്ത്രീ വിരുദ്ധരാണ് പലരും.

8) വിവാഹത്തിന് ഭാഗമായ് നടത്തുന്ന താലികെട്ട് എന്ന ആചാരം സ്ത്രീ വിരുദ്ധത അല്ലേ ? ഒരു പുരുഷൻ സ്ത്രീയെ കല്ല്യാണം കഴിക്കുന്നു. അതായത് സ്ത്രീക്ക് കല്ല്യാണ സമയത്ത് ഒന്നും ചെയ്യാനില്ല എന്നർത്ഥം. മാത്രവുമല്ല, ഒരു പുരുഷന്റെ മുൻപിൽ തല താഴ്‌ത്തേണ്ട ഗതികേടും ഉണ്ടാകുന്നു.

9) വിവിധ മതപരമായ ആചാരങ്ങളിൽ പുരുഷന് ചെയ്യാവുന്ന പലതും സ്ത്രീക്ക് പറ്റില്ല. മരിച്ച ശേഷവും ഒരു സ്ത്രീക്ക് പല ദൈവ ശിക്ഷകളെ കുറിച്ച് പറയുന്നു. എന്നാല് അതേ തെറ്റ് ചെയ്യുന്ന പുരുഷന് ദൈവം വെറുതെ വീടുന്നു. ദൈവം പോലും ഈ ഇരട്ട താപ്പ് ശിക്ഷാ വിധി വെച്ചത് ശരിയാണോ ?

10) ഭൂരിഭാഗം വീടുകളിലും സ്ത്രീകളെ പുരുഷന്മാർ നിർബന്ധിച്ച് അടുക്കള പണി എടുപ്പിക്കുന്നു. എന്തിന് ഒരു സ്ത്രീ മാത്രം അടുക്കള പണി എടുക്കണം. ഒരു പുരുഷൻ അടുക്കള പണി എടുത്താൽ പെട്ടെന്ന് സ്ത്രീയായ് മാറുമോ ? അതല്ല, ആകാശം ഇടിഞ്ഞു വീഴുമോ ? കേരളത്തിലെ സ്ത്രീകൾ ഇനിയെങ്കിലും പകുതി അടുക്കള പണി ഭർത്താക്കന്മാരോടും , മക്കളെ കൊണ്ടും ചെയ്യിക്കുക. അതൊക്കെയാണ് യഥാർത്ഥ സ്ത്രീ നവോത്ഥാനം.

11) കേരളത്തിൽ സരിതയും സ്വപ്നയും എല്ലാം ‘അർഹത ഇല്ലാതെ’ തന്നെ രാഷ്ട്രീയക്കാർ ഉയർന്ന തസ്തികളിലേക്ക് നിയമനം കൊടുത്തിട്ടുണ്ട്. ….. അതുകൊണ്ട് മാത്രം കേരളത്തിൽ സ്ത്രീ നവോത്ഥാനം വന്നു എന്ന് ആരും തെറ്റിദ്ധരിക്കരുത്.

ഇതു പോലെ അനീതിക്കെതിരെ ‘മാന്യമായ്’ നിയമപ്രകാരം ഇനിയെങ്കിലും കേരളത്തിലെ സ്ത്രീകൾ പൊരുതുക. കേരളത്തിൽ സ്ത്രീകൾ എന്നാല് അടുക്കള പണി + പ്രസവം മാത്രം ചെയ്യുന്ന അടിമകളാണ് എന്ന ചിന്ത അവസാനിപ്പിക്കേണ്ട സമയം അതിക്രമിച്ചിരുന്നു.
നിങ്ങളത് ചെയ്യണം, കാരണം ആരേയും തോല്പിക്കാനല്ല, സ്വയം തോൽകാതിരിക്കുവോ…ഉണരൂ സ്ത്രീകളെ ഉണരൂ..

(വാൽ കഷ്ണം…കേരളത്തിൽ ഒരു വനിതാ മാധ്യമ പ്രവർത്തകക്ക് നേരെ ആക്രമണം ആരും കണ്ടില്ല ..
കോവിഡ് ബാധിച്ച സ്ത്രീക്ക് നേരെ ആംബുലൻസില് പീഡനം..അതും ആരും കണ്ടില്ല …
കോവിഡ് ക്യാമ്പിൽ ഒളിക്യാമറ ചിത്രീകരണം ..ആരും കണ്ടില്ല.

വാളയാറും ആരും പ്രതികരിച്ച് കണ്ടില്ല .. പ്രമുഖ നടിയുടെ പീഡന കേസിൽ പ്രതികളെ രക്ഷിക്കുവാൻ’കലാകാരന്മാർ’ ആണെന്ന്’ പറഞ്ഞു നടക്കുന്നവർ കൂറുമാറിയത് ആരും കാണുന്നില്ല, ചർച്ച ചെയ്യുന്നില്ല.

അങ്ങനെ നോക്കുമ്പോൾ , ഒരു സ്ത്രീയായ മുഖ്യമന്ത്രി പോലും ഇല്ലാത്ത, ഇന്ത്യയിൽ ഏറ്റവും കൂടുതൽ സ്ത്രീ വിരുദ്ധത നില നില്കുന്ന സംസ്ഥാനം കേരളമല്ലേ ? )