‘രാജീവിന്റെയോ പിണറായിയുടെയോ പണമല്ല; കേരളം ആരുടെയും പിതൃസ്വത്തല്ല’; കേരളം വിട്ടത് സഹികെട്ട്; സംസ്ഥാന സർക്കാരിനെതിരെ രൂക്ഷവിമർശനവുമായി കിറ്റക്സ് എംഡി സാബു ജേക്കബ്

കൊച്ചി: വ്യവസായ മന്ത്രി പി രാജീവിനെതിരേയും സംസ്ഥാന സർക്കാരിനെതിരേയും രൂക്ഷവിമർശനവുമായി കിറ്റക്സ് എംഡി സാബു ജേക്കബ്.

കേരള സർക്കാരും എല്‍ഡിഎഫും ഉദ്യോഗസ്ഥരും എല്ലാവരും കൂടി ഒന്നിച്ചുനിന്ന് കിറ്റക്സിനെ ആക്രമിക്കുകയായിരുന്നെന്ന് അദ്ദേഹം വാർത്താസമ്മേളത്തില്‍ ആരോപിച്ചു. ഒരു ചെറിയ നിയമലംഘനം പോലും ഈ പ്രസ്ഥാനത്തിന്റെ പേരില്‍ കണ്ടുപിടിക്കാൻ സാധിച്ചില്ല.

സഹികെട്ടാണ് അന്ന് 3500 കോടി രൂപ കേരളത്തില്‍ നിന്ന് മാറി മറ്റെവിടേക്കെങ്കിലും നിക്ഷേപിക്കാൻ തീരുമാനിച്ചത്. ആന്ധ്ര വളരെ മോശമാണെന്ന് വ്യവസായമന്ത്രി പി. രാജീവ് പറഞ്ഞത് അദ്ദേഹത്തിന്റെ പതിവാണെന്നും സാബു ജേക്കബ് കൂട്ടിച്ചേർത്തു.

കേരളം ഇന്ത്യാ രാജ്യത്തെ ഒരു സംസ്ഥാനമാണ്. അത് ആരുടെയും പിതൃസ്വത്തല്ല. അതാണ് മനസ്സിലാക്കേണ്ടത്. രാജീവ് പറയുന്നത് കേട്ടാല്‍ തോന്നും കേരളം അവരുടെ സ്വത്താണെന്ന്, സാബു ജേക്കബ് പറഞ്ഞു.